web counter
LEXO PA REKLAMA!

SHKARKO APP

App Store
Google Play

Arrestimi i zdromsit dhe lajmet për Veliajn

8 Nëntor 2024, 11:53, Editorial CNA
Arrestimi i zdromsit dhe lajmet për Veliajn
Erion Veliaj në SPAK

Dje, sërish ka qarkulluar një lajm i madh në opinionin publik, shumë mesazhe, shumë pyetje, informacion për të marrë në SPAK në lidhje me veprimet që po kryen kjo Strukturë e Posaçme për shkak të procedurave, verifikimeve, hetimeve që po bën ajo në lidhje me shumë dosje të Erion Veliajt.

Një lajm të tillë e publikoi pak kohë më parë edhe CNA, por nga informacionet që u morën rezultoi se kishte pasur disa procedura, të cilat në fakt nuk kishin çuar deri në daljen e një vendimi nga Gjykata për ndonjë masë ndalimi ndaj Erion Veliajt. (LEXO KETU)

E njëjta situatë ka qenë edhe dje, por kohët kanë ndryshuar. Jemi disa javë më pas dhe tashmë çdo masë për Erion Veliajn, e llojit, marrje pasaporte apo detyrim me paraqitje, është një tallje.

Të marrësh, të arrestosh Ilir Metën në formën më brutale dhe Erion Veliajn kryetarin e organizatës së hajdutëve ta lësh në zyrë të vazhdojë të firmosë është kriminale në vetvete.

Arrestimi i zdromsit dhe lajmet për Veliajn

Prokurorët e SPAK-ut janë dinjitozë. Ata po hetojnë shumë dosje me qetësi, por është Gjykata dhe strukturat e saj diku të kapura që ndoshta mund të lehtësojnë masat e sigurisë të dhëna nga prokurorët e SPAK-ut.

Por, në situatën ligjore që ka Erion Veliaj dhe ta çosh njeriun që ka qëndruar në krye të organizatës së hajdutëve ashtu siç e deklaroi dhe vetë, njeriun që për gati 10 vite ka masakruar kryeqytetin me inceneratorët, me “5D”-në, me shembjen e teatrit, me shembjet te “5 Maji”, me shkelje të ligjit, me abuzimin dhe ai të vazhdojë të rrijë në zyrë, të firmosë se gjoja masa e marrjes së pasaportës mund ta bëjë që të largohet, duket qesharake.

Erion Veliajt mund t’i lihet pasaporta e të shkojë ku të dojë se zdromsi ashtu dhe e mendon, por të tilla masa sigurie për kryebashkiakun e Tiranës, i cili është njeriu përgjegjës me veprimet dhe mosveprimet e tij për dhjetëra skandale që kanë ndodhur në bashkinë e kryeqytetit, ai nuk e ka vendin as me pasaportë dhe as të paraqitet te ndonjë oficer, duhet të jetë në një qeli me Ilir Metën, aty mund të sqarojnë dhe miqësitë e dikurshme./ CNA





Lajmet e fundit nga