web counter
LEXO PA REKLAMA!

SHKARKO APP

App Store
Google Play

E fundit!

x

Të gjitha "fitoret" e Ervin Salianjit

26 Shtator 2024, 21:06, Editorial CNA
Të gjitha "fitoret" e Ervin Salianjit
Ervin Salianji

Në një reagim të tij në rrjetet sociale deputeti Ervin Salianji ka rreshtuar disa argumenta pse ai është dënuar. I gjthë qëndrimi ka ardhur pas dhënies së vendimti të formës së prerë nga Gjykata e Apelit në lidhje me çështjen “Babale”, ku Salianji dënohet me një vit heqje lirie.

Lënia e vendimit në fuqi nga Gjykata e Apelit nga gjyqtarët të cilët i kanë dhënë vulën doktor Berishës, kur i japin vulën doktorit nuk shahen, kur dënohet Salianji me akuza gjyqtarët sulmohen dhe anatemohen. Nga ana tjetër Salianji doli përballë gjykatës dhe tha gjithçka e ka bërë Fatmir Xhafaj i cili po kërkon të kapë drejtësinë dhe qelizat e pakapura të saj siç është SPAK. Nga ana tjetër doktor Berisha thotë se SPAK është i kapur.

Një pjesë e deputetëve të PD thonë që kanë shpresë te SPAK, një pejsë tjetër thonë që është institucion i kapur, drejtësi e kapur, i kontrollon Rama, nuk i kontrollon Rama. Kur dalin vendimet pro opozitës është drejtësi e lirë kur dënojnë deputetët e opozitës është drejtësi e kapur. Në burgje janë ministra, drejtorë, individë të rëndësishëm, kryetarë bashkish dhe personazhe të ndëshkuar. Por drejtësia ka dhënë verdiktin dhe verdikti i saj nuk diskutohet.

Por reagimi i Ervin Salianjit ka qenë shpesh si politika e tij. Një gënjeshtar, një manipulator, një mashtrues publik. Pavarësisht denoncimeve që mund të ketë bërë, kush ishte Geron Xhafaj hynte në burg apo nuk hynte në burg, e vërteta është se PD i kish filluar denoncimet për Geron Xhafajn.

Kish dalë Gaz Bardhi, kish dalë Enkelejd Alibeaj në atë kohë për ata që e kujtojnë dhe nxirrnin dokumente dhe fakte të pakontestueshme në lidhje me vëllain e Fatmir Xhafajt, i cili në atë kohë ishte ministër i Brendshëm.

Në një moment na del një audio-regjistrim “Babale” që jo vetëm trazoi ujërat, jo vetëm hodhi në erë denoncimin publik që po bëhej në mënyrë shumë të kujdeshme dhe profesionale ligjërisht, një “babalizëm” plasi për protagonizëm ashtu siç i ka hije Ervin Salianjit.

Mund të thuhet i “sëmurë” për protagonizëm politik, i “sëmurë” si egoist për të bërë karrierë politike. Por i pamend në veprime, ja ku është tashmë përfundimi. Gjithsesi më poshtë po e lidhim përveç fakteve të mësipërme me një detaj. Salianji ka shkruar se sot ka fituar dhe se i ka mundur socialistët gjithmonë.

Cilat janë fitoret e Ervin Salianjit?

Po i sjellim me pak fjalë dhe shumë shkurt. Ervin Salianji kandidoi në Korçë dhe drejton në 2017 qarkun pavarësisht se atëherë në krye të listës ishte Valentina Duka, njeriu që menaxhoi fushatën dhe dirigjoi gjithçka ishte Ervin Salianji.

Në qarkun e Korçës në vitin 2017 PD e Lulzim Bashës bashkë me Sali Berishën, atëherë ishin të gjithë bashkë pavarësisht disa nga përjashtimet që bëri Luli në atë kohë pas çadrës mori 45 mijë vota.

Kjo ishte fitorja e Ervin Salianjit. Vetëm 45 mijë vota. Ndërkohë në qershor të vitit 2013, në ditën më të zezë të opozitës të PD, kur ajo dilte, kur ajo rrëzohej nga pushteti kishte 59 mijë vota.

Të gjitha "fitoret" e Ervin Salianjit

Le të shohim më tej.

Vijmë tek viti 2021. Salianji ishte bërë dhe më gjeneral me shumë grada, më shumë protagonizëm, më shumë politikë prej tij, denoncues i madh, flakë e zjarr lart e poshtë. Shkon në Korçë, rikandidon.

PD pas 8 vitesh në opozitë, pas drejtimit të Salianjit në qarkun e Korçës, merr vetëm 50 mijë vota.
Ndërkohë kish dalë në opozitë me 59 mijë vota. Këtu ka një detaj. Detaji është që 50 mijë vota janë bashkë me partinë PBDNJ, e cila në vitin 2013 ka qenë me PS dhe ka marrë rreth 3 mijë vota. Në rast se do t’i zbresim këto vota rezulton që nën drejtimin e Salianjit PD në qarkun e Korçës të ketë marrë 47-48 mijë vota.

Pra nga 10-11 mijë vota më pak se në zgjedhjet e vitit 2013, ditën kur doli në opozitë. Pra këto të dyja janë fitoret e Salianjit në qarkun e Korçës. Sa për fitoren në zgjedhjet lokale në bashkinë e Kavajës, mjafton të pyesni demokratët e Kavajës dhe kryetarin e Bashkisë për të kuptuar që ishin ata që i fituan zgjedhjet, jo vajtja e Salianjit.

Ai ishte një hiç me bisht në atë fushatë tjetërkush i fitoi zgjedhjet. Ndaj dhe fitoret e tij janë thjesht dhe vetëm humbje ashtu sikundër fitorja e tij me denoncime mashtruese është humbje për opozitën dhe çështja “Babale” është një turp për historinë e politikës përtej faktit është i drejtë apo jo dënimi./ CNA

 





Lajmet e fundit nga