web counter
LEXO PA REKLAMA!

SHKARKO APP

App Store
Google Play

E fundit!

x

U rrahën në fushatë, “armiku” i merr mandatin Salianjit

26 Shtator 2024, 16:07, Politikë CNA
U rrahën në fushatë, “armiku” i merr mandatin
Foto ilustruese, Ervin Salianji dhe Andrea Mano


U bënë miq, ishin bashkëpunëtorë Andrea Mano dhe Ervin Salianji. Ky i dyti erdhi si shërbëtor i Manos në kosh në zgjedhjet elektorale të vitit 2011. Çfarë nuk i panë sytë asaj fushate, sjelljen dhe harbutërinë e Ervin Salianjit, paaftësinë, dështimin deri tek skandalet në hotelet e qytetit.

Por ishte një shërbëtor i vogël që vinte nga UET i Henri Çilit, që kishte formalizuar një mbështetje për Andrea Manon dhe premtonte një fushatë spektakolare me idetë e tij të hedhura formalisht në letër, ide që kurrë nuk u zbatuan dhe i dhanë një humbje katastrofike Andrea Manos, kuptohet në mendjen e Salianjit dhe Henri Çilit.

Më pas u bënë miq dhe u bashkuan me Lulzim Bashën në vitin 2013 ishte mbështetësi i tij kryesor në qarkun e Korçës. Andrea Mano zgjidhet dhe kryetari i degës në qytetin e Korçës. Të dy me Salianjin janë bashkëpunëtorë të ngushtë deri në zgjedhjet e vitit 2017 ku në fakt Ervin Salianji vendoset kandidat për deputet në Korçë dhe Andrea Mano ngelet më poshtë në listë se njeriu që e kishte pasur ushtar dhe bashkëpunëtor të ngushtë.

Por duket se nuk ka hatërmbetje dhe mërzi. Historia vazhdon dhe përplasja finale ndodh në zgjedhjet e vitit 2021.

Sërish Andrea Mano në listë sërish Salianji më lart, por këtë herë ishte frika e herësit dhe Andrea Mano tashmë izolohet nga Salianji, i cili tashmë kishte marrë detyra politike, ishte bërë njeri i rëndësishëm në parti, sekretar grupi, mbante sekretariatin në parti kishte denoncuar çështjen Babale, i kishte dhënë shumë emër, çështje për të cilën sot u dënua me një vit burg.

Rrahje, përplasje. Pretendohet dhe për vjedhje votash në kutitë e njëri-tjetrit, kryesisht për votat personale. Ishin miq dhe u ndanë si armiq. Përplasja u bë dhe më e ashpër. Salianji bashkohet dhe me Luzlim Bashën në momentet e shpalljes non gratat të Sali Berishës dhe përjashtimin e këtij të fundit. Shkon në Korçë dhe mbledh të tijtë pas Lulit.

Në Janar të vitit 2022 doli me dru në dorë kundër demokratëve. Andrea Mano është më pasiv, përplasja e tyre ka lënë pasoja. Duken armiq të përbetuar pas sherrit në zgjedhjet e vitit 2021.

U rrahën në fushatë, “armiku” i merr mandatin
Ervin Salianji me shkop ndaj demokratëve


Pas gati tre vjetësh Ervin Salianji dënohet.Mandatin e tij e merr pikërisht armiku i fundit, dikur miq të ngushtë Andrea Mano, ish-kreu i PD-së së Korçës, i njohur si një nga bashkëpunëtorët e ngushtë të Niko Peleshit drejtuesit politik aktual të qarkut të Korçës dhe kreut të grupit parlamentar të PS.

Tashmë Korça do të ketë një deputet tjetër jo më “Babalen” dikur mikun e tij por armikun e sotëm Andrea Manon, që në fakt është një nga bashkëpunëtorët e ngushtë të drejtuesit politik të socialistëve. Dy armiqtë që dikur ishin miq tani i lënë vendet njëri-tjetrit./ CNA

 





Lajmet e fundit nga