web counter
LEXO PA REKLAMA!

SHKARKO APP

App Store
Google Play

Dumani: Grupet kriminale shqiptare, të shtrira deri në Amerikën Latine

22 Nëntor 2024, 23:07, Aktualitet CNA
Dumani: Grupet kriminale shqiptare, të shtrira deri në Amerikën
Kreu i SPAK-ut, Altin Dumani

Krimi i organizuar shqiptar është i përhapur thuajse në të gjithë Evropën, deri në Amerikën Latine.

Këtë e konfirmoi mbrëmjen e sotme kreu i SPAK-ut, Altin Dumani, gjatë një interviste televizive.

Dumani tha se SPAK-u këtë e ka zbuluar nëpërmjet bashkëpunimit të ngushtë me Belgjikën, Francën, Gjermaninë, Anglinë, por edhe me Kosovën, Maqedoninë e Veriut dhe Malin e Zi.

“Krimi i organizuar shqiptar është i orientuar kryesisht drejt trafikimit të drogave të forta. Nuk është problem vetëm për Shqipërinë, por edhe për shumë vende në Evropë, deri në Amerikën Latine. Kemi shtuar bashkëpunimin ndërkombëtar. Kemi bashkëpunim me Italinë, kemi grupe të përbashkëta hetimore. I kemi dhënë goditje të mëdha krimit të organizuar. Kemi bashkëpunim me Belgjikën, Francën, Gjermaninë, Anglinë, por dhe Kosovën, Maqedoninë e Veriut, Malin e Zi etj. Shumë figura të larta të hetimit ndërkombëtar kanë vizituar SPAK. Kemi shumë punë për të bërë dhe ka nevojë për intensifikim dhe duke pasur parasysh këtë nivel bashkëpunimi besoj se do të ketë goditje të tjera”, theksoi ai./ CNA





Lajmet e fundit nga