web counter
LEXO PA REKLAMA!

SHKARKO APP

App Store
Google Play

E fundit!

x

5 vite SPAK/ Dumani: Ka kaluar vështirësi, është në funksionim të plotë

22 Nëntor 2024, 21:20, Aktualitet CNA
5 vite SPAK/ Dumani: Ka kaluar vështirësi, është në
Kreu i SPAK-ut, Altin Dumani

Kreu i SPAK-ut, Altin Dumani, ka folur për punën e Prokurorisë së Posaçme para dhe pas krijimit të këtij institucioni.

Dumani tha se SPAK ka kaluar shumë vështirësi si institucion në 5 vjet dhe ka punuar me mungesë stafi.

“Në dhjetor SPAK bën 5 vjet. Për publikun dhe për ju si media, ndoshta 5 vjet duken shumë, por realisht për një institucion janë shumë pak për të marrë formën që duhet, duke marrë në konsideratë edhe vështirësitë që kemi kaluar si institucion. Ne kemi filluar në 19 dhjetor 2019, kemi qenë vetëm 18 prokurorë, nuk kishim staf administrativ, nuk kishim madje as godinë, nuk bëhej fjalë të kishim mjete për t’i përdorur për hetimin. Nga ana tjetër kishim një fluks shumë të madh procedimesh penale. Trashëguam nga prokuroria e Krimeve të Rënda një numër relativisht të madh dosjesh. Prokuroritë e juridiksionit të përgjithshëm shpallën moskompetencën dhe dërguan shumë dosje në Prokurorinë e Posaçme. Kemi kaluar shumë vështirësish, situata është ndryshe sot”, u shpreh ai në një intervistë televizive.

Dumani u pyet për rezultatet më të ulëta të SPAK-ut para se ta merrte ai drejtimin, por kreu i Prokurorisë së Posaçme u përgjigj se ishte ende në fazën e krijimit.

“Ishin vite që kushtëzoheshin nga situata në të cilën punonin dhe nga faza. Është si fëmijët që ngrihet në këmbë dhe më pas vijon të ecë. 3 vitet e para kanë qenë fazat e krijimit dhe funksionimit të SPAK-ut. Tani kemi një SPAK funskional.

Blinaci është mbresëlënës. 3 janë prioritetet e SPAK-ut, lufta ndaj korrupsionit, krimit të organizuar dhe terrorizmit. Ne jemi të fokusuar te korrupsioni se terrorizmi nuk është aq shqetësues për Shqipërinë”, theksoi Dumani./ CNA





Lajmet e fundit nga