E fundit!

17:06 Sociale

Ndryshon moti në korrik/ Stuhia e madhe i afrohet Ballkanit

E gjithë Europa Jugore do të përballet gjatë kësaj jave me...

Gjykata Kushtetuese jep vendimin për Berishën/ Pranon pjesërisht kërkesën

21 Nëntor 2024, 19:11, Aktualitet CNA

Gjykata Kushtetuese

Gjykata Kushtetuese ka shpallur vendimin për kërkesën e kryetarit të Partisë Demokratike, Sali Berisha.

Gjykata Kushtetuese ka pranuar pjesërisht kërkesën dhe ka shfuqizuar vendimin e GJKKO-së për "ndalimin e daljes jashtë vendit".

Sa i përket "detyrimit të paraqitjes", Kushtetuesja deklaron se "masa është proporcionale në drejtim të domosdoshmërisë, përshtatshmërisë dhe ashpërsisë".

“Gjykata shqyrtoi secilën masë sigurimi në këndvështrim të parimit të proporcionalitetit të lidhur me standardin e arsyetimit. Gjykata me shumicë votash, vlerësoi duke iu referuar arsyetimit të gjykatave të zakonshme se masa e dhënë ndaj kërkuesit “detyrim për t’u paraqitur në policinë gjyqësore” është propocionale në drejtim të domosdoshmërisë, përshtatshmërisë dhe ashpërsisë.

Ne lidhje me masën tjetër, Gjykata vendosi pranimin e pjesshëm të kërkesës duke shfuqizuar mendimet gjyqësore objekt te shqyrtimit kushtetues, vetëm për pjesën qe kane caktuar masën “ndalim i daljes jashtë shtetit” ndaj kërkuesit Sali Berisha për shkak të cenimit të parimit të proporcionalitetit, në aspektin e domosdoshmërisë se kësaj mase, ne kushtet kur qëllimet e saj përmbushen nga masa tjetër e dhënë ndaj kërkuesit “detyrim për t’u paraqitur ne policinë gjyqesore”, thuhet në vendim.

Sipas Gjykatës Kushtetuese, masa “detyrim paraqitje” nuk prek funksionet legjislative të Kuvendit dhe nuk e pengoi Berishën të ushtrojë të drejtat e tij si deputet.

“Për rrjedhojë gjykata njëzëri arriti në përfundimin se në rastin konkret, kjo masë nuk përbën kufizim të lirisë personale dhe, për pasojë nuk nevojitet autorizimi nga Kuvendi për zbatimin e saj ndaj deputetit”, theksohet në vendim.

Ndërkaq, Berisha mbetet në arrest shtëpie.

Kujtojmë se Berisha kërkoi shpalljen të paligjshme dy masave të para të SPAK-ut, "detyrim paraqitje" dhe ndalim të daljes jashtë vendit, për të cilat ai argumentoi se është anashkaluar autorizimi nga Kuvendi./ CNA