Një përgjigje Ilir Metës për Dumanin dhe SPAK-un

12 Korrik 2024, 10:05, Politikë CNA

Një përgjigje Ilir Metës për Dumanin dhe SPAK-un

Ilir Meta

Ilir Meta, dje, në protestën e mbajtur nga opozita, doli nga foltorja dhe deklaroi se ishte e turpshme që një pjesë e opozitës mbështeste kreun e SPAK-ut, Altin Dumani. (lexo këtu)

Me një gjuhë karagjozësh dhe rrugaçësh, Ilir Meta vazhdoi me fjalët e tij dhe ishte pikërisht rasti kur ai bënte moral. Është fiks, nuk ka asnjë ndryshim që të flasë për korrupsionin dhe luftën ndaj tij, Ilir Meta. Është njësoj si rasti i një prostitute të përjashtuar nga shtëpia publike për imoralitet që të bëjë të njëjtën gjë. (lexo këtu)

Ndaj, Ilir Meta më shumë sesa duhet të fliste për turpin e opozitarëve që mbronin Altin Dumanin, apo kishin shpresë nga SPAK-u, duhet të kishte bërë aktin e tij, të jepte dorëheqjen nga politika dhe të qërohej njëherë e mirë ai dhe fara e tij që kanë më shumë se 30 vjet që mbajnë peng Shqipërinë. (lexo këtu)

Shqipëria i ka dhënë gjithçka këtij personazhi politik, deputet, ministër, zv.kryeministër, kryeministër, kryetar Kuvendi, President, është kapur me bllok në dorë si hajdut dhe nuk është në burg. I kanë ndodhur mijëra skandale dhe ia ka hedhur, por kjo nuk i jep të drejtën që ky turp i shtetit shqiptar, kjo neveri i opozitarizmit të akuzojë personat që kanë shpresë tek Altin Dumani, te SPAK-u, te lufta kundër korrupsionit, pikërisht që Ilir Meta, të shkojë pas hekurave.(lexo këtu)

Altin Dumani dhe Ilir Meta

Në rast se do ta dijë të vërtetën duhet ta kuptojë që në qoftë se bën një sondazh le ta organizojë dhe vetë dhe të pyesë kë duan në burg të parin shqiptarët. (lexo këtu)

Të jetë i bindur që do të dalë emri i tij, është fytyra më e urryer, më e korruptuar dhe më e akuzuar në vend, pavarësisht se kërkon të fshihet. (lexo këtu)

Ndaj, dhe më shumë sesa të bëjë karagjozin, duke i bërë një dëm të pamatë opozitës, dalja e tij në tribunë largon me mijëra demokratë sepse është një fytyrë e urryer dhe e pështirë e politikës shqiptare. (lexo këtu)

Ilir Meta mirë është që të japë dorëheqjen dhe të largohet nga politika dhe ta lërë opozitën të marrë frymë, të ngrihet, sepse i vetëm me një tufë horrash që ka nga pas nuk i bën dot asgjë opozitës. Përkundrazi, nuk e zmadhon atë, por vetëm e zvogëlon dhe e lë në opozitë shumë gjatë./CNA