web counter
LEXO PA REKLAMA!

SHKARKO APP

App Store
Google Play

Sulm mafioz ndaj Altin Dumanit

16 Prill 2024, 15:10, Aktualitet CNA
Sulm mafioz ndaj Altin Dumanit
Altin Dumani

Ish-presidenti Ilir Meta nuk ndalet së sulmuari hapur kreun e SPAK-ut, Altin Dumani. Madje, ndaj Dumanit nuk kanë munguar as kërcënimet e bëra nga kreu i Partisë së Lirisë nëpër studiot televizive apo konferencat për mediat. 

Në një konferencë mesditën e së hënës, Meta, pa asnjë lloj hezitimi, iu drejtua Dumanit me fjalët "Ki kujdes". "Ai të ketë kujdes se ku do të ikë nëse vazhdon veprime të paligjshme, mafioze dhe në qoftë se vazhdon dhe ka këtë mendësi policeske dhe komuniste se gjykata afërmendsh vendos atë që thotë prokuroria", tha Meta. 

Sulmi ndaj Dumanit nuk është rastësor dhe vjen në një kohë kur SPAK-u po heton pasuritë e tij dhe të bashkëshortes, Monika Kryemadhi.

Nga ana e SPAK-ut ka hetime dhe pritet që të ketë veprime konkrete në lidhje me zyrtarët e lartë të korruptuar. Lëvizjet e SPAK-ut vijojnë, pasi janë arrestuar drejtorët e korruptuar të Erion Veliajt, ku pritet të merret nën akuzë kryebashkiaku, pasi është në arrati ish-zv.kryeministri, pasi janë arrestuar një sërë kryetarë bashkish apo ish-ministrja, janë në sitë të prokurorëve.

Deklaratat e Ilir Metës ndaj Altin Dumanit janë një sulm kriminal mafioz, i njëjtë me sulmin kriminal që Mirel Mërtiri bëri për llogari të Erion Veliajt ndaj prokurorit Klodian Braho në muajin dhjetor të vitit të kaluar.

Tashmë gjithçka është e qartë, në kohën kur në dhjetor Braho po mbyllte dosjen dhe hetimet për drejtorët e Veliajt, Mirel Mërtiri nga Vjena u shfaq dhe sulmoi Klodian Brahon, me një sulm kriminal, mafioz, me gënjeshtra, me shpifje, me fyerje, pasi tashmë është vërtetuar e gjithë akuza mafioze e Mirel Mërtirit.

Nga ana tjetër edhe Ilir Meta në të njëjtën formë ka sulmuar Altin Dumanin. Ky është një sulm kriminal politik i Ilir Metës për hallet e veta, për problemet që ka me drejtësinë dhe ushtron shantazh e presion të hapur ndaj Altin Dumanit duke e kërcënuar, duke thënë "Ma sillni këtu", apo duke thënë se "ka takuar ish-agjentin McGonigal", që është një gënjeshtër.

Këto të gjitha bashkë tregojnë se Ilir Meta është thjesht dhe vetëm një instrument mafioz në luftën e SPAK-ut kundër korrupsionit. Pasi të gjithë e dinë që Ilir Meta është një hajdut dhe nuk e shpëtojnë dot as sulmet mafioze ndaj Altin Dumanit, as sulmet mafioze ndaj SPAK-ut, pasi atë ka filluar ta ndëshkojë edhe vetë familja e tij, e cila përpiqet shpesh t’ia mbledhë "pëllumbat", por Ilir Meta, "pëllumbat" e tij i ka lëshuar pa kthim./CNA 





Lajmet e fundit nga