web counter
LEXO PA REKLAMA!

SHKARKO APP

App Store
Google Play

Dumani mohoi për CNA akuzat e Metës/ Kreu i PL-së, sërish jashtë kontrollit

16 Prill 2024, 15:05, Politikë CNA
Dumani mohoi për CNA akuzat e Metës/ Kreu i PL-së, sërish
Kryetari i PL-së, Ilir Meta

Në një reagim për CNA, kreu i SPAK-ut, Altin Dumani, mohoi akuzat e kreut të PL-së, Ilir Meta, se është takuar me ish-zyrtarin e lartë të FBI-së, Charles McGonigal.

Pas përgënjeshtrimit të deklaratave të bëra në emisionin “Opinion”, Meta është pyetur sërish për Dumanin gjatë një konference për shtyp.

Kreu i PL-së tha se e priste që lajmi të mohohej nga drejtuesi i SPAK-ut, ndërsa vijoi të hedhë të tjera akuza ndaj tij.

Ai ngriti pretendimet se Altin Dumani është kushëriri i të penduarit të drejtësisë, Nuredin Dumani.

“Afërmendsh se Nuredini, pavarësisht se është personazh i një bote që ka zgjedhur vetë, për vlerësimin tim ka më shumë integritet se kushëriri i tij se pse ky është zgjedhur për t’i shërbyer drejtësisë dhe për t’u bërë një vegël e shëmtuar e politikës. Se Nuredini vërtet ka bërë vrasjet që ka pranuar vetë, por ky karajfili kujton se mund të bëhet vrasës i suksesshëm i pluralizmit në vend. Gjë që kërkon ta arrijë përmes McGonigal-ëve apo përmes kapjes së ndonjë laraske apo sufllaqexhiu nga Partia e Lirisë. PL-ja është një kështjellë e pamposhtuar e pluralizmit politik. Ka parë shumë Ilir Meta si ky kushëriri i Nuredinit. Nuk prisja që ai të thoshte se kishte takuar McGonigalin”, theksoi Meta./ CNA





Lajmet e fundit nga