web counter
LEXO PA REKLAMA!

SHKARKO APP

App Store
Google Play

Si qëndron e vërteta e akuzave të Metës kundër Dumanit

16 Prill 2024, 14:58, Aktualitet CNA
Si qëndron e vërteta e akuzave të Metës kundër Dumanit
Ilir Meta dhe Altin Dumani

Javët e fundit, ish-presidenti Ilir Meta nuk ka ngurruar që të sulmojë, jo vetëm SPAK-un, por edhe kreun e kësaj strukture, Altin Dumanin.

Në konferenca për media, por edhe dje në studion e emisionit "Opinion", Meta harroi për një moment paralelet dhe stërvitjet e tij, por u fokusua te SPAK-u dhe Altin Dumani, pikërisht në këtë periudhë kur kjo strukturë e posaçme po tregon jo pak rezultate në luftën kundër krimit të organizuar apo goditjen e zyrtarëve të lartë të korruptuar të shtetit tonë. 

Në "Opinion" Meta akuzoi SPAK-un se është në shërbim të Ramës, duke u shprehur se është një sektor i Rilindjes. Ndërsa për kreun e SPAK-ut, ai tha se është takuar me ish-agjentin e FBI-së, Charles McGonigal. 

Meta nis sulmet ndaj SPAK dhe Dumanit

Kreu i Partisë së Lirisë, së bashku me bashkëshorten e tij, Monika Kryemadhi, janë nën hetim nga SPAK-u dhe në panik e sipër ka lëshuar akuza. Gjithmonë që shfaqet ekraneve është i shpërqendruar dhe as vetë nuk e kupton se çfarë nxjerr nga goja.

Për akuzat e ngritura nga ish-presidenti, Dumani u përgjigj për CNA se nuk e ka takuar kurrë ish-agjentin e FBI-së, duke rrëzuar kështu gënjeshtrat e bëra nga Meta. Në lidhje me pyetjet se a ka hetime për dosjen "McGonigal”, Dumani është përgjigjur se nuk mund të flasë, nuk mund të shprehet për këtë çështje. (lexo këtu)

Akuza e pabazë ndaj Dumanit

Në 9 shtator të 2017, ku pretendohet se McGongal ka zhvilluar një vizitë jozyrtare në Shqipëri dhe ka zhvilluar aktivitetin e tij në vendin ballkanik, Altin Dumani nuk ka qenë pjesë e SPAK-ut. Ai qenë thjesht një nga prokurorët e Apelit të Krimeve të Rënda. 

Si qëndron e vërteta e akuzave të Metës kundër Dumanit
Altin Dumani

Pyetjet që na lindin janë: Cila ka qenë arsyeja që do të vinte të takonte një prokuror të Apelit të Krimeve të Rënda, McGonigal? Cila është arsyeja që një prokuror i zakonshëm të takohet me një agjent apo ish-agjent të lartë të FBI-së?

Këto nuk rezultojnë të vërteta sepse McGonigal në atë kohë kishte interes të takonte njerëzit e politikës, të lobonte dhe luftonte për politikën. Nuk kishte ndonjë interes ndaj Altin Dumanit. Ndaj, Ilir Meta ka hedhur një gënjeshtër, një gënjeshtër, e cila i ka këmbët e shkurtra. 

Si qëndron e vërteta e akuzave të Metës kundër Dumanit
Charles McGonigal

Përveç reagimi të Dumanit, sot CNA bëri edhe një vlerësim të kohës kur McGonigal ka qenë në Shqipëri dhe arsyet pse ky i fundit mund t’i kërkonte Dumanit takim.

Ndërkohë që i gjitha është një skenar dhe një gënjeshtër e Ilir Metës, i cili përveç fakteve që ka filluar të hipë majë paraleleve dhe të vrapojë, duket se ka lëshuar "pëllumbat" nëpër studiot televizive ku shfaqet për të folur, duke ushtruar presion psikologjik dhe duke mashtruar për SPAK-un, Altin Dumanin dhe prokurorët e këtij institucioni. 

Është e njëjta situatë si sulmi kriminal që ka bërë në muajin dhjetor Mirel Mërtiri kundër prokurorit Klodian Braho dhe hetimeve që bënte ky i fundit./CNA 





Lajmet e fundit nga