Protesta e 11 korrikut/ Meta, thirrje mbështetësve të PL-së për pjesëmarrje

10 Korrik 2024, 14:33, Politikë CNA

Protesta e 11 korrikut/ Meta, thirrje mbështetësve të PL-së

Ilir Meta

Presidenti i Partisë së Lirisë, Ilir Meta, në një konferencë për mediat me gazetarët, u shpreh se në protestën e 11 korrikut që do të zhvillohet para Kryeministrisë, do të kërkohet rrëzimi i narko-shtetit.

Meta u bëri thirrje të gjithë anëtarëve dhe simpatizantëve të PL-së të marrin pjesë në protestën e ditës së nesërme.

Fjala e Ilir Metës:

Jam sot këtu për të ju bërë thirrje të gjithë anëtarëve, simpatizantëve të Partisë së Lirisë, por dhe të gjithë qytetarëve, për tu bashkuar nesër në mitingun e thirrurr nga PD. dhe nga e gjithë opozita.
Pikërisht, për të tronditur dhe përmbysur themelet e këtij narko-shteti, të këtij narko-regjimi. i cili, ka përmbysur çdo parim kushtetues, i cili ka shkatërruar kontrollin dhe balancat midis pushteteve.
I cili ka dhunuar dhe dhunon, në mënyrën më mizore të drejtat e qytetarëve shqiptarë. I cili, mban peng liderin e PD. zotin Berisha, vetëm e vetëm për arsye shumë të qarta politike, në mënyrë që të bëjë gjithçka për të ulur vrullin, ritmin dhe të gjithë frymën e opozitës në këtë betejë, për jetë a vdekje, me krimin.

Në këtë betejë për jetë a vdekje me këtë sekt, i cili synon shpërbërjen e shtetit, shpërbërjen e kombit, dhe njëkohësisht i cili ka përzënë më shumë se 1 milion shqiptarë, në 11 vite të qeverisjes së Edi Ramës.Ky armik i betuar i pluralizmit politik, ky armik i betuar i të gjithë shqiptarëve të ndershëm, dhe patriotë. Ky skllav i Ballkanit të Hapur, dhe I të gjithë axhendave, që shkatërrojnë dhe ekonominë e shqiptarëve. Që shpopullojnë Shqipërinë, që braktis në mënyrën më kriminale bujqësinë, dhe gjithë zonat rurale të vendit që janë shkretuar. Që ka shkatërruar shtresën e mesme në vend. Që ka rritur në mënyrë ekstreme, masën e shqiptarëve të varfër, i cili nuk ndalet gjithashtu me korrupsionin e tij skizofrenik, dhe kriminal. Duke bërë, që vendin ynë të jetë sot vendi I parë në Europë për korrupsion, dhe I dyti në botë për rryshfet. Është koha pikërisht, të gjithë nesër të bashkohen për të dhënë mesazhin e duhur, kundër narko-shtetit, dhe kundër këtij regjimi kriminal./CNA