web counter
LEXO PA REKLAMA!

SHKARKO APP

App Store
Google Play

E fundit!

x

Mandati i Olta Xhaçkës/ Kuvendi, kërkesë “Kushtetueses” për rishqyrtim të çështjes

8 Korrik 2024, 17:29, Politikë CNA
Mandati i Olta Xhaçkës/ Kuvendi, kërkesë
Gjykata Kushtetuese

Kuvendi i ka dërguar një shkresë Gjykatës Kushtetuese, ku kërkon rihapjen e çështjes së mandatit të Olta Xhaçkës, ish-ministres së Jashtme dhe deputetes së PS-së.

Kuvendi ka kërkuar të merret opinioni i Komisionit të Venecias në lidhje me heqjen ose jo të mandatit të Xhaçkës.

“E shohim të nevojshme që të kërkohet një mendim këshillimor nga Komisioni i Venecias, ne lidhje me raportin midis demokracisë përfaqësuese parlamentare dhe rolit te Kuvendit ne rastin e shqyrtimit te mocioneve për papajtueshmërinë e mandatit te deputetit”, thuhet në shkresë.

Kujtojmë se PD ka dorëzuar sërish padi në Gjykatën Kushtetuese për mandatin e Xhaçkës.

Më 11 prill mazhoranca votoi në Kuvend kundër dërgimit të kësaj çështjeje për shqyrtim në Gjykatë Kushtetuese.

Kërkesa e opozitës u rrëzua me 72 vota kundër të Partisë Socialiste, përkundrejt 32 votave pro të deputetëve të opozitës që mbështetën dërgimin e çështjes së ish-ministres së Jashtme në Kushtetuese.

Xhaçka mbante detyrën e ministres së Jashtme në kohën kur Komiteti i Vendimeve Strategjike i drejtuar nga kryeministri Edi Rama miratoi statusin e “investitorit strategjik” për bashkëshortin e saj, Artan Gaçi, i cili po ndërton një hotel në Dhërmi. 

Në deklaratat e saj, ish-ministrja këmbëngul se nuk është në konflikt interesi dhe se nuk ka përfituar asnjë centimetër tokë shtetërore dhe asnjë lloj përfitimi tjetër publik. Sipas saj, i vetmi përfitim nga ky status lidhej me kompaninë që në një të ardhme do të menaxhojë aktivitetin për sipërfaqen e plazhit para hotelit./ CNA





Lajmet e fundit nga