web counter
LEXO PA REKLAMA!

SHKARKO APP

App Store
Google Play

Ilir Meta i trembur, ul tonet për Altin Dumanin

25 Prill 2024, 21:27, Aktualitet CNA
Ilir Meta i trembur, ul tonet për Altin Dumanin
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta, në një intervistë për gazetaren Marsela Karapanço, mbrëmjen e sotme, ka nguruar të përdorë gjuhën e sharjeve dhe ofendimeve ndaj kreut të SPAK, Altin Dumanit.

Ai nuk ka ka përdorur fjalorin më të cilin ka sulmuar vazhdimisht Dumanin, me termat: “Dum Dumani, palaço, legen, injorant, tarrallak”.

Ai deklaroi se nuk ka asnjë shqetësim për SPAK, dhe se nuk e ka personale, por ka shqetësim vetëm përdorimin e tij politik.

"Janë episode që janë ndikuar nga të gjitha proceset politike, dhe kanë ndikuar sipas meje negativisht.

Shënjestër unë kam përdorimin e drejtësisë së kapur nga Edi Rama dhe Engjëll Agaçi. Rama është përgjegjësi kryesor i korrupsionit në vend.

Nuk kam patur ndonjë vlerësim dhe as pritshmëri të madhe për SPAK. Është krijesë e një sistemi të deformuar, rezultat i KLP, dhe KLP ishte rezultat i një zgjedhjeje antikushtetuese të Arta Markut.

Unë nuk mund të ngre një problem për një arsye personale. Raporti im me SPAK-un ka qenë institucional dhe jo personal. Pritej që SPAK të merrej me dosje të mëdha, mori dosje dhe i dërgoi në prokuroritë e rretheve.

Kemi rastin e prokurorisë së Elbasanit, që SPAK injoroi denoncimet e opozitës për përfshirjen e zyrtarëve të lartë në kriminalitetin e zgjedhjeve.

SPAK-u nuk ndërmorri asnjë hetim serioz ndaj Dvoranit, pavarësisht denoncimeve të Presidentit për të. Një pjesë e ambasadorëve mbajtën krahun e Edi Ramës.

Nuk kam asnjë shqetësim me SPAK, sepse nuk ekziston asnjë dosje për mua.

Dumani, si një kapterr i rilindjes, është nën urdhërat e Don Agaçios, siç rezulton edhe nga RAI3.

Ai ka regjistruar një çështje ndaj meje, dhe kjo gjë është bërë që të mbahej Ilir Meta nën presion për Gjykatën Kushtetuese"/ CNA





Lajmet e fundit nga