web counter
LEXO PA REKLAMA!

SHKARKO APP

App Store
Google Play

E fundit!

x

Fryrja e listës së fituesve te "Magjistratura"/ Deputetja e PD-së: Procesi të përsëritet nga e para

25 Prill 2024, 14:48, Aktualitet CNA

Fryrja e listës së fituesve te "Magjistratura"/ Deputetja e

CNA prej ditësh ka denoncuar skandalin që po ndodh në shkollën e Magjistraturës, ku tregoi se si listës së fituesve në testimin e fazës së parë iu shtuan 42 emra.

Fillimisht, të hënën e testimit, ku u publikuan edhe emrat e fituesve, lista përbëhej vetëm nga 79 persona që duhet të kalonin në fazën e dytë.

Por, një ditë më pas, listës iu shtuan edhe 42 emra të tjerë dhe fitues të fazës së parë rezultonin 121 persona.

Në lidhje me këtë ka reaguar deputetja e PD-së, Dhurata Çupi.

Ajo i ka bërë thirrje drejtorit dhe Bordit Drejtues të Shkollës së Magjistraturës, të anulojnë fazën e parë të provimit dhe të përsërisin procesin nga e para.

“Administrimi i rregullt dhe korrekt i provimit për pranimin në Shkollën e Magjistraturës të kandidatëve për gjyqtarë dhe prokurorë është garanci për pavarësinë dhe integritetin e sistemit të drejtësisë në të ardhmen.

Problematikat e shfaqura gjatë zhvillimit të provimit të pranimit këtë vit, ku 79 kandidatëve të kualifikuar fillimisht, iu shtuan edhe 52 kandidatë të tjerë të skualifikuar, me pretendimin e mosfunksionimit të pajisjeve, ngrejnë pikëpyetje mbi rregullshmërinë dhe integritetin e këtij proçesi.

Prandaj, me qëllim që mbi proçesin e pranimit të magjistratëve të rinj të hiqet çdo hije dyshimi, i bëj thirrje sot Drejtorit dhe Bordit Drejtues të Shkollës së Magjistraturës, të anullojnë fazën e parë të provimit dhe të përsërisin proçesin nga e para”, shkruan Çupi në rrjetet sociale./ CNA

 





Lajmet e fundit nga