web counter
LEXO PA REKLAMA!

SHKARKO APP

App Store
Google Play

Omicron në Shqipëri/ Manastirliu: Po analizojmë mostrat jashtë shtetit

3 Dhjetor 2021, 17:48, Lifestyle CNA

Ministrja e Shëndetësisë deklaroi se Shqipëria do të dërgojë disa mostra në laboratorë të specializuar, për të pasur një përgjigje nëse varianti Omicron ka mbërritur në vendin tonë.

Në një dalje për mediat, Manastirliu theksoi se nuk ka asnjë dyshim konkret të ndonjë rasti infektimi me Omicron, por po përgatiten për çdo përballje të mundshme.

?Më lejoni të them që situata është e qëndrueshme, e kontrolluar. Ne kemi filluar tashmë dozën e tretë ditën e djeshme, kjo për të krijuar një barrierë mbrojtëse. Deri tani nuk kemi akoma panoramën e qartë të virusit të ri sepse deri më sot ajo që dihet është se ky variant përhapet shumë më shpejt se Delta dhe deri tani 25 vende në botë e kanë verifikuar se kanë prezence të tij. 

Vendi i parë është Afrika e Jugut dhe të gjitha vendet kanë marrë masa për kufizime. Akoma nuk kemi të dhëna për të bërë vlerësime se sa  fatalitetesh shkakton, apo çfarë roli ka vaksina. 

Në Shqipëri, ne kemi përgatitur gjithë serinë e mostrave. Aktualisht janë procedura që bëhen në periudha të caktuara, nuk mund të themi se kemi një dyshim, por patjetër që vijojmë të përgatitemi në mënyrë që të kemi të dhëna sa më të shpejta. Janë përgatitur kampione për t?u dërguar jashtë vendit për të marrë të dhëna konkrete”, tha Manastirliu./CNA.al





Lajmet e fundit nga