LEXO PA REKLAMA!

SHKARKO APP

E fundit!

x

Një dokumet që i duhet SPAK për mafien e plehrave

31 Tetor 2021, 12:19, Aktualitet CNA
Një dokumet që i duhet SPAK për mafien e plehrave

Çështja e inceneratorëve, pastrimit, trajtimit të mbetjeve urbane janë shumë nga çështjet që politika e ditës i diskuton por edhe mediat i kanë denoncuar.

Dikush i quan mafia, dikush afera, CNA.al ka sjelle dokumente pafund, në lidhje me skandalet e inceneratorëve, kompanive të përfshira, personazheve, deri tek lidhjet e tyre me median dhe politikën.

Por prej muajsh e muajsh SPAK nuk vepron. Shpesh dalin informacione ku thonë se në shtator do të ketë arrestime, në tetor do të kete arrestime, janë nxjerrë dokumente përfshirë dhe Presidentin e Republikës. Ka nxjerrë dokumente dhe Partia Demokratike dhe vetë deputetë socialist, mediat pafundë. Kompani zinxhirë të lidhur me njëra-tjetrën që paguajnë prindërit e zyrtarëve të lartë  të asaj kohe si drejtues agjencish, sot deputetë të Partisë Socialsite, dje mbështetës të LSI e kështu me radhë.

Më poshtë po sjellim një foto, e cila tregon disa dhjetra kompani të lidhura zinxhir me njëra-tjetrën. Ajo foto kërkon ndoshta një rifreskim në kohë të të dhënave pasi disa gjëra në kohë dhe kanë ndryshuar, por është një skemë e qartë sesi lidhen kompanitë, dhjetra kompani të Klodian Zotos me kompani më të vjetra të përpunimit dhe mbledhjes së plehrave deri tek inceneratori i Tiranës që në fakt nuk ekziston, por është një landfill.

Skema e mëposhtme ka një zinxhir kompanish në Shqipëri në funksion të një emri, Klodian Zoto.

Ne kemi sjellë me fakte dhe dokumente se kush është Klodian Zoto, kompanitë e tij, çfarë e lidh atë me inceneratorin e pretenduar të Tiranës, për të cilin është thënë se është një kompani holandeze, por në fakt është Klodian Zoto, për inceneratorin e Fierit, i cili sërish del me pronar Klodian Zoton, inceneratori Elbasanit i cili del me Stela Gugallën, bashkëjetuesen e Mirel Mërtirit, por e ndërtuar nga Klodian Zoto e kështu me radhë.

Skema e publikuar nuk del sot për herë të parë , por është një kujtesë për t’i thënë SPAK nuk ka nevojë të lodhen kaq shumë dhe të vonojnë për të thënë se po zbardhin e po presin dokumente nga institucionet. Po ua japim, po ua ofrojmë ta kenë përpara syve që të kuptojnë më mirë se çfarë ka ndodhur.

Nuk ka nevojë për kaq shumë hetuesi, për kaq shumë investigim. I kanë bërë mediat, mjafton vetëm të mbledhin dokumentet zyrtarisht atje ku ndodhen. Edhe në rast se ata mungojnë, mjafton të thërrasin gazetarët t’u thonë të vërtetën, jo vetëm drejtësisë, por edhe atyre që do të ulen në bankën e të akuzuarve për abuzimin me qindra milionë euro nga taksat e shqiptarëve që kanë emrin e Rilindjes dhe përfituesit janë Klodian Zoto, Mirel Mërtiri, Stela Gugalla dhe gjithë zinxhiri i tyre i lidhur me pushtetin e sotëm të Shqipërisë./CNA.al

Qeveria jep miliona lek për inceneratorët/ Çfarë po ndodh në Elbasan

Skema korruptive e inceneratorëve në Shqipëri/ Kompania koncesionare pranon skandalin

Afera e ujësjellësave/ Bashkia Berat, një milionë euro për Klodian Zoton e inceneratorëve

Koncesioni 128 milion euro/ Plas skandali në Shqipëri, kompania ndryshon emër në Hollandë

Skandali/ Inceneratorët e koncesionit 128 milionë euro, reklama mediatike me taksat e shqiptarëve

Dokumentet ekskluzive-Skandali me tenderin e inceneratorit/ Kompania fituese pa asnjë aktivitet biznesi, shkeljet proceduriale

Dokumentet ekskluzive-Si u garantuan 128 milion euro/ Skema korruptive e inceneratorit të Tiranës, emrat dhe kompanitë e përfshira

 

Lajmet e fundit nga