web counter
LEXO PA REKLAMA!

SHKARKO APP

App Store
Google Play

E fundit!

x

Mbi 600 të helmuar/ Protestë për ujin e pijshëm në Krujë

30 Tetor 2021, 12:22, Aktualitet CNA

Një grup qytetarësh në Krujë janë ngritur në protestë përpara bashkisë së qytetit për shkak të problemit me ujin e pijshëm.

Protesta ka ardhur pasi rreth 600 qytetarë përfunduan në spital me shenja helmimi, që dyshohet se ka ardhur si pasojë e ujit në rubineta.

Qytetarët deklarojnë se tubat dhe impianti i ujësjellësit janë tuba nafte të përdorura të marra në Ballsh e në minierat e Bulqizës dhe më pas janë montuar për ujësjellësin e qytetit.

Qytetarët njëzëri kanë kërkuar dorëheqjen e kryetarit të bashkisë, Artur Bushi si dhe drejtorit te Ujësjellësit.

Për helmimin e mbi 600 persona nëndrejtori i ISHP-së, Dritan Ulqinaku bëri përgjegjës Ujësjellësin e që sipas tij duhet të kishte reaguar më shpejt, teksa nuk hezitoi që ta quante këtë situatë një epidemi hidrike.

Kjo epidemi u shkaktua si rezultat i ndotjes sipërfaqësore të shirave të rëna para pak ditësh që kanë sjellë përzierje me ujërat e pijshëm të ujësjellësit të Krujës.

Prokuroria nisi hetimet në lidhje me ngjarjen, por ende nuk ka një përgjegjës.

Ndërkohë furnizimi me ujë në Krujë ka rifilluar, jo për t’u konsumuar, por vetëm për arsye sanitare./CNA.al





Lajmet e fundit nga