LEXO PA REKLAMA!

SHKARKO APP

App Store
Google Play

Akuza për përfshirje në aferën e inceneratorëve/ Damian Gjiknuri padit Gazment Bardhin

29 Tetor 2021, 10:55, Aktualitet CNA
Akuza për përfshirje në aferën e inceneratorëve/ Damian

Sekretari i Përgjithshëm i Partisë Socialiste Damian Gjiknuri ka paditur Sekretarin e Përgjithshëm të PD, Gazment Bardhi.

Një ditë më parë, Bardhi nga foltorja e Kuvendit, tha se kishte marrë të dhëna nga sistemi TIMS, që vërtetonin udhëtime të Gjiknurit me njerëzit e inceneratorëve, Klodian Zoton dhe Mirel Mërtirin.

?Shpërthimet e pakontrolluara të Gazit të Lulit faktojnë situatën e emergjencës dhe panikut që ka përfshirë lidershipin zyrtar të Partisë Demokratike. Efektin ndotës të të tillë Gazrave nuk ka incenerator as impiant që ta marrë përsipër ta trajtojë. Për të gjitha deklarimet e djeshme, të përsëritura dhe ditën e sotme, kam autorizuar dorëzimin e padisë për shpifje ndaj Gazit të Lulit.

Për hir të transparencës ndaj opinionit publik, ju drejtova zyrtarisht autoriteteve përgjegjëse dhe nga 17 datat e pretenduara nga PD si lëvizje të miat jashtë vendit, sipas sistemit TIMS 14 rezultojnë të pavërteta.

Tre data që përkojnë me udhëtime të miat janë krejt rastësore e pa asnjë lidhje me personat në fjale: përkatësisht dy janë vizita zyrtare në detyrën e ministrit dhe një udhëtim me automjet me familjen time. Asnjë udhëtim charter. Të gjitha në linjat e zakonshme të fluturimit.

Nën presionin e “Foltores”, duket qartë se Gazi i Lulit dhe Luli i Gazit e kanë nxjerrë në shitje partinë si shpifësa me pagesë, gjobvënësa ekonomik e politik, duke ju vetofruar blerësit më të parë.

Gaztori i Lulit të gjejë avokatin dhe bëjë gati mbrojtjen në gjykatë! Siç e sfidova dje publikisht në Kuvend, hapi i dytë, të bëjë gati heqjen dorë nga mandati si shenjë reflektimi për budalliqet me pagesë që nxjerr nga goja!?, shkruan Gjiknuri në rrjete sociale./CNA.al

Lajmet e fundit nga