Aktualitet
Zbulohet pse hesht kreu i PD-së/ Basha u shkollua me paratë e Soros
Ditët e fundit është rikthyer në tryezën e debatit politik sjellja dhe qëndrimet e fondacionit të miliarderit amerikan George Soros.
Gjithçka është kthyer nga presidenti Ilir Meta dhe akuzat në lidhje me Reformën në Drejtësi, që sipas tij është kthyer në “Ramaformë”.
Por, ajo që bie në sy është fakti se kreu i PD-së, Lulzim Basha ka heshtur në lidhje me George Soros, përtej një fjale të vetme gjatë kohës që ishte në çadër.
Kreu i PD-së është treguar mjaft i kujdesshëm dhe është përpjekur në çdo rast ta ruajë në artikulimin e tij publik George Soros, përveç rastit të çadrës, kur i përmendi një herë emrin.
Heshtja e Lulzim Bashës duket se vjen për shkak të marrëdhënies së ngushtë me fondacionin Soros. Një njeri që nuk kishte hyrë kurrë në selinë e PD-së, deri në vitin 2014, kur Basha do të zhvillonte një takim me Soros, duke pasur në krah Grida Dumën, Eduard Selamin dhe Gert Bogdanin.
Por, zanafilla nuk është në vitin 2014. Gjithçka fillon në vitin 1995, ku sipas një dokumenti të publikuar gjerësisht i cili qarkullon në media, është fakti se Lulzim Basha ka siguruar një fond prej 7324 dollarësh së bashku me bashkëshorten e tij. Sipas të dhënave kjo shumë parash është dhënë atëherë për Lulzim Bashën, kur studionte në universitetin e Utrecht, të cilin i është dashur rreth 16 vjet për ta përfunduar.
Por, shuma 7324 dollarë në atë kohë ka qënë një vlerë e konsiderueshme, sepse flitet përpara 24 viteve. Megjithëse edhe sot është një vlerë shumë madhe, në atë kohë ka qënë shumë fish.
Këtu fillon dhe burimi i parë i arsyes pse Lulzim Basha ka heshtur për Soros, që shkoi më pas edhe deri në dorëzimin e selisë së PD-së në duart e tij.
Sot, në kupolën e PD-së përfshihen shumë nga njerëzit e fondacionit të George Soros, fondacion i cili po akuzohet nga presidenti, është akuzuar ashpër edhe nga ish-kryeministri dhe lideri historik i PD-së, Sali Berisha. Por, mesa duket Lulzim Basha është në të njëjtin zjarr dhe jo në vendin e gabuar, por aty ku ishte planifikuar për t’u zgjedhur nga Soros. I dërguar prej tij në 2005 në PD dhe sot kryetar i saj, mesa duket misionin e ka pasur të thjeshtë dhe të qartë, t’ia lehtësonte pushtetin kryeministrit Rama dhe të majtëve, të cilët sot drejtojnë Shqipërinë dhe kanë kapur të gjitha pushtetet.
Vetëm një javë më parë, Lulzim Basha i dorëzoi në tavolin 61 bashki Edi Ramës. Ndërkohë një marrëveshje e vitit 2017, i siguroi një mazhorancë të vetme në parlament.
Nga ana tjetër me Reformën në Drejtësi, e cila u votua në shumicë absolute nga Basha, duke mos votuar 7 ligjet të cilat e shoqëronin atë, kreu i PD-së i krijoi mundësinë Ramës të kapte edhe drejtësinë.
Pra, tre pushtetet, legjislativi, ekzekutivi dhe drejtësia tashmë janë të kapura nga kryeministri Edi Rama me ndihmën e pakursyer dhe të konsideriueshme të kreut të PD-së, Lulzim Basha, i cili mesa duket po kryen misionin e tij të qartë të marrë nga Soros, për përqëndrimin e pushtetit tek të majtët./ CNA.al
Politikë
Risia në programin e qeverisë ‘Rama 3’/ Paketë falas për çiftet që s’bëjnë dot fëmijë, ja çfarë parashikohet për çerdhet
Një nga pikat ku do të fokusohet mandati i tretë i Qeverisë ‘Rama’ është edhe shëndetin dhe mirëqenien e fëmijëve.
Në programin qeverisës thuhet se prindërve që nuk bëjnë dot fëmijë, nga viti 2022 do tu ofrohet falas paketa e fertilitetit.
Për familjet me të ardhura deri në 100 mijë lekë në muaj , qeveria do të ofrojë 10 mijë lekë për çdo familje që të heqin shpenzimet e çerdhes ose kopshtit çdo muaj.
Ndërkohë do të krijohen dy programe të dedikuara për kujdesin e syve dhe atë oral. Kjo paketë do të jetë falas dhe do të shërbejë për fëmijët nga 6-15 vjeç.
Sakaq, brenda qershorit 2022 do të fillojë puna për ndërtimin e Qendrës Kombëtare për Fëmijë./CNA.al
Aktualitet
KE miraton certifikatën digjitale të vaksinimit për Shqipërinë/ Ja kush mund të lëvizë lirshëm
Komisioni Europian ka miratuar certifikatën dixhitale të vaksinimit për shtatë vende, ku mes tyre është edhe Shqipëria.
Tashmë qytetarët shqiptarë do të munden që me një pasaportë dixhitale të një vaksine të miratuar nga EMA të qarkullojnë lirshëm në BE.
Komisioneri për Drejtësinë, Didier Reynders tha se situata është e favorshme që qytetarët të lëvizin lirshëm dhe se është koha për të kompensuar humbjet e muajve të kaluar.
Njoftimi i KE:
Sot, shtatë vendime të reja që vërtetojnë se certifikatat COVID-19 të lëshuara nga Shqipëria, Andorra, Ishujt Faroe, Izraeli, Monako, Maroku dhe Panamaja janë ekuivalente me Çertifikatën dixhitale COVID të BE-së. Si rezultat, shtatë vendet dhe territoret do të lidhen me sistemin e BE -së dhe certifikatat COVID që ata lëshojnë do të pranohen në BE nën të njëjtat kushte si Certifikatat dixhitale të BE -së për COVID. Në të njëjtën kohë, vendet dhe territoret ranë dakord të pranojnë Certifikatën dixhitale COVID të BE për udhëtime nga BE në vendet e tyre.
“Gjatë kësaj vere ne kemi parë që qytetarët janë në gjendje të udhëtojnë të sigurtë falë Certifikatës dixhitale të COVID të BE -së. Kjo është një situatë e favorshme: qytetarët mund të gëzojnë të drejtën e tyre për lëvizje të lirë dhe bizneset si dhe sektori i transportit mund të fillojnë të kompensojnë humbjet e muajve të kaluar. Që nga qershori, janë lëshuar më shumë se 420 milion certifikata të BE -së.
Prandaj unë mirëpres që gjithnjë e më shumë vende jashtë BE -së po i bashkohen sistemit tonë të suksesshëm. Një numër i përgjithshëm i 42 shteteve-27 shtete anëtare të BE dhe 15 vende jo anëtare të BE-tani po marrin pjesë në sistemin e certifikatës dixhitale të COVID COVID të BE, duke konfirmuar certifikatën e BE si një standard ndërkombëtar”, tha komisioneri për Drejtësinë, Didier Reynders.
Komisioni miratoi dje shtatë vendimet e reja. Vazhdon bashkëpunimi me vendet e tjera të treta për t’i lidhur ato me sistemin e BE -së. Më shumë informacion mbi Certifikatën dixhitale të COVID -it të BE -së mund të gjenden në faqen e internetit të dedikuar./ CNA.al
Politikë
Lufta ndaj pandemisë/ Brenda shkurtit 2022 do vaksinohet e gjithë popullsia mbi 16 vjeç
Partia Socialiste ka zbardhur sot programin qeverisës për katër vitet e ardhshme. Një nga 5 shtyllat ku do të fokusohet kabineti “Rama 3”, është rimëkëmbje e ekonomisë nga tërmeti dhe pandemia.
Në programin e ri qeverisëse për mandatin e tretë, sipas objektivit të qeverisë shkurtit 2022 do të jetë të vaksinuar të gjithë qytetarët shqiptarë mbi 16 vjeç dhe se brenda shtatori 2021 të gjithë persona +60 vjeç do të kenë bërë të dyja dozat e vaksinave.
Synimet e qeverisë në programin qeverisës në luftën ndaj pandemisë.
Vaksinimi i popullatës kritike, personat në moshë mbi 60 vjeç dhe ata me sëmundje bashkëshoqëruese do të ketë përfunduar brenda shtator 2021.
Garantojmë vaksinimin për të gjithë popullsinë mbi 16 vjeç deri në shkurt 2022.
Mbështesim sipërmarrjen në sektorët më produktivë të ekonomisë, për
ringritjen edhe më të fortë të tyre pas pandemisë, duke dedikuar:
-50 milionë euro për sipërmarrjet në sektorin e turizmit, në formën e instrumentet të garancisë;
– 5 milionë euro për sipërmarrjet në fushën e transportit;
-50 milionë euro për sipërmarrjet në sektorin e manifakturës, si garanci për kredimin apo zgjatje të afatit të kredive ekzistuese./CNA.al
