LEXO PA REKLAMA!

SHKARKO APP

Surpriza elektorale e Greqisë/ Hyn antieuropiani jashtë neo nazistët

7 Korrik 2019, 18:25, Aktualitet CNA
Surpriza elektorale e Greqisë/ Hyn antieuropiani jashtë neo

Zgjedhjet parlamentare në Greqi kanë rezervuar disa surpriza të forta. Nga pollet e para duket se në Parlament do të ketë vetëm 6 parti, nga 20 që garuan për 300 vendet e parlamentit grek. Partitë që do të përfaqësohen në Parlament fillojnë me Demokracinë e Re, të drejtuar nga Kirjako Micotaqis, dhe përfundojnë me partinë e re të Janis Varufakis, ish ministri i Financave, në qeverinë e parë të kryeministyrit ende në detyrë Aleksis Tsipras.

Sipas të dhënave zyrtare, publikuar menjëherë pas mbylljes së kutive, rezulton se pjesmarrja ka qenë e ulet për Greqinë me rreth 50% të totalit të votuesve.

Demokracia e re ka fituar deri tani 158 vende, ose gati 40% të Parlamentit të ri grek. Ndiqet nga Syriza me 31.6 % dhe lista mbyllet me partinë MeRA25 të Varufakis, me 3.7 % ose 9 vende në Parlament.

Përtej surprizës Varufakis dhe fitores së pritëshme të Demokracisë së Re, një tjetër surprizë është edhe fakti se ekstremistët neo nazistë kanë ngelur jashtë Parlamentit, duke mos kaluar dot pragun prej 3%. Jashtë Parlamentit kanë ngelur edhe shumë parti të tjera të vogla përfshi edhe aleatë të Tsipras në qeverisje, apo parti të ndryshme historike./CNA.al

Zgjedhjet në Greqi/ Njihuni me rezultatet surprizë

Lajmet e fundit nga