web counter
LEXO PA REKLAMA!

SHKARKO APP

App Store
Google Play

E fundit!

x

Dëmtimi i automjetit të Lubonjës/ Policia jep versionin zyrtar

7 Korrik 2019, 17:39, Aktualitet CNA

Policia e shtetit në një njoftim të shpërndarë për mediat ka reaguar në lidhje me dhunë n e ushtruar ndaj automjetdit të analistit Fatos Lubonja.

Sipas Policisë, ngjarja ka ndodhur me datë 1 Korrik dhe shtetasi me inicialet A.H i cili ka kryer aktin vuan nga probleme mendore.

Në njoftimin e Policisë thuhet se shtetasi i mësipërmë është arrestuar dhe materialet i kanë kaluar Prokurorisë.

Njoftimi i Policisë:

Në pergjigje të zhurmës mediatike që po bëhet për dëmtimin e xhamit të automjetit të zotit F. Lubonja, Policia e Shtetit sqaron:

Më datën 1 korrik 2019, shërbimet e Komisariatit Nr. 2, pas marrjes së një njoftimi, u vunë në ndjekje të një personi që po kërcënonte me mjete prerëse disa kalimtarë. Në tentativë për t’u larguar, shtetasi A.H. theu me sende të forta xhamin e një mjeti të parkuar në hyrje të pallatit ku banonte. Agjentët arrestuan 50 vjeçarin, nga Tirana.

Ndaj tij bëri kallëzim për dhunë në familje edhe bashkëshortja, e cila deklaroi se ai vuante prej disa vitesh nga shëndeti mendor.

Për dëmtimin e mjetit bëri kallëzim shtetasi A.L, vëllai i zotit F. Lubonja, i cili deklaroi se ishte përdoruesi faktik i automjetit, se agresorin e kishte fqinj dhe se ky i fundit kishte shfaqur probleme mendore.

Materialet i kanë kaluar Prokurorisë për ?Dhunë në familje?, “Kanosje”, “Shkatërrim prone”, “Prishja e qetësisë publike” dhe “Mbajtje pa leje të mjeteve prerëse, të dyshuara si armë të ftohta”.

Me këtë rast, Policia e Shtetit hedh poshtë si të pavërteta dhe dashakeqe të gjitha insinuatat e bëra në drejtim të punës së saj, e cila, edhe në këtë rast, ka qenë plotësisht profesionale./CNA.al





Lajmet e fundit nga