web counter
LEXO PA REKLAMA!

SHKARKO APP

App Store
Google Play

E fundit!

x

Mjeku e pranon në emision/ Kam marrë bakshish, nuk kam turp e frikë

26 Shtator 2022, 13:06, Aktualitet CNA
Mjeku e pranon në emision/ Kam marrë bakshish, nuk kam turp e
Mjeku Ilir Allkja

Mjeku Ilir Allkja ka pranuar ditën e sotme se ka marrë bakshish nga familjarët e pacientëve që kanë shkuar në spital për të marrë shërbim.

Këtë deklaratë, Ilir Allkja e bëri teksa foli për arrestimin e mjekut që merrte ryshfet dhe shtrimin në spital për shkak të gjendjes së rëndë shëndetësore.

Ai tha në emisionin  “Good Morning Albanians”, në “Euronews Albania”, se nuk i vjen as turp dhe nuk ka as frikë ta pranojë këtë gjë.

Gjithashtu, ai u shpreh se është e vështirë të gjesh mjekë që nuk kanë marrë bakshish gjatë karrierës së vet.

“Është vështirë të gjesh mjekë që nuk kanë marrë bakshish në jetën e vet. Kam marrë, nuk kam as turp dhe as frikë. Unë kam marrë nga njerëz të mi, nga kushërinjtë, nga familjarët. Më kujtohet një bisedë e para 10 viteve me një kolege nga Rumania.

Në Rumani numërohen 3.2 mjekë për 1 mijë banorë, ndërsa Shqipëria ka 1 mjek për 1 mijë banorë, është skandaloze. Mjekja më thotë, që vetë ministri i Shëndetësisë ka deklaruar se nëse njerëzit japin një bakshish pas shërbimit, merreni sepse e meritoni”, theksoi ai./ B.A. - CNA.al





Lajmet e fundit nga