web counter
LEXO PA REKLAMA!

SHKARKO APP

App Store
Google Play

Gara për kreun e PD/ Ibsen Elezi kërkon shtyrjen e zgjedhjeve

20 Maj 2022, 16:08, Politikë CNA

Kandidati për kryetar të PD, Ibsen Elezi, ka kërkuar sot shtyrjen e zgjedhjeve të 22 prillit dhe plotësimin e kërkesave statutuore.

Në një deklaratë për shtyp, Elezi tha se arsyeja e këtyre dy kërkesave është se ka vënë re një sërë shkeljesh në garë.

?Duke marrë shkas nga disa kërkesa drejtuar Komisionit të Rithemelimit dhe Komisionit të Organizimit  Elektoral pranë Partisë Demokratike, dua t?ju bëj me dije se së fundmi me datën 18.5.2022, i jam drejtuar me një kërkesë Komisionit të Rithemelimit që ka të bëjë me objektin e shtyrjes së zgjedhjeve dhe plotësimin e kërkesave statutuore që janë parashikuar në statutin e PD-së, në ligjin për partitë dhe në Kushtetutën e Republikës së Shqipërisë.

Të nderuar anëtarë të Komisionit të Rithemelimit, duke marrë shkas nga deklaratat tuaja publike për reformimin e PD, për një garë me konceptin e debatit vendosa të konkuroj në pozicionin e kryetarit të PDSH. Pas regjistrimit tim si kandidat po konstatoj një sërë shkeljesh statutore, ligjore në këtë proces që nuk po marrin dhe mundimin të riparohen nga ana juaj.

Së pari, asnjë nga elementët e primares dhe debatit nuk po zbatohet në këtë proces. Koha minimale për realizimin e takimeve me bazën e anëtarësisë ka munguar, mungon debati. Gjithashtu ka pasur edhe defekte të rënda me listat, kjo e pohuar edhe nga Komisioni Elektoral.

Së dyti, nga ana ime është konstatuar se rregullorja e PDSH-së nuk është miratuar ende, por ka një rregullore dhe nuk ka një rregullore të mëparshme që mund t?i referohesh, por po kërkohet një rregullore e posaçme e miratuar nga komisioni Elektoral. Pra, e thënë ndryshe, procesi zgjedhor po kryhet në kundërshtim me statutin e PDSH-së.

Së treti, është konstatuar nga ana ime që nuk është ngritur Komisioni i Apelimit. Ky komision është i vetmi organ që garanton mbarëvajtjen e procesit sipas normave statutore dhe mungesa e tij përbën shkak për shkelje dhe padrejtësi në këtë proces demokratik”, theksoi kandidati për kreun e PD-së./ CNA.al





Lajmet e fundit nga