SOCEUR në Shqipëri/ Berisha përshëndet vendimin, mesazhi i fortë për Ramën

7 Janar 2022, 10:56, Politikë CNA

Ish-kryeministri Sali Berisha ka reaguar në lidhje me lajmin e publikuar një ditë më parë nga ambasada e SHBA në Tiranë, e cila bëri të ditur se në vendin tonë do të ngrihet një Komandë e Forcave të Operacioneve Speciale.

Kjo Komandë, e njohur shkurt si SOCEUR, do të jetë në gatishmëri për t?iu përgjigjur me shpejtësi kërcënimeve që mund të lindin dhe nëse është e nevojshme, për të mposhtur sulme.

Berisha, në një postim në rrjetet sociale, përshëndet vendimin në fjalë, për të cilin thotë se është me rendesi thelbesore per paqen dhe sigurinë e Shqipërisë, rajonit dhe NATO-s.

?Një vendim për t?u përshendetur!

Miq, Komanda e Forcave Operacionele të SHBA për Europën SOCEUR me baze ne Gjermani njoftoi se ka vendosur të ngrejë në Shqipëri një shtab të bazës së Forcave Operacionale Speciale. Vendosja e nje shtabi të Komandes së Operacioneve Speciale te SHBA për Europën është një vendim me rëndesi thelbësore për paqen dhe sigurinë e Shqiperise, rajonit dhe NATO.

Padyshim që anetaresimi i Shqipërise në Aleancen e Atlantikut të Veriut, kundër të cilit protestonte Edi Rama është dhe faktori përcaktues që ka bërë të mundur marrjen e këtij vendimi.

Prandaj së pari përshendes këtë vendim shumë të rëndesishem te Pentagonit qe e ben Shqiperine dhe rajonin dhe NATO-n me te sigurte dhe deshmon besimin e SHBA ne vendin tone mik, anetar i NATO-s. Ky vendim eshte gjithashtu pergjigja me e merituar ndaj perpjekjeve te Kremlinit per te shtrire influencen ruse ne rajon direkt dhe nepermjet Beogradit.?-shkruan Berisha.

Më tej, ai i jep një ?shuplakë? të fortë kryeministrit Edi Rama, ndërsa thekson se ka lënë Forcat e Armatosura me një buxhet që nuk arrin as gjysmen e atij që kerkohet nga NATO për vendet anëtare.

?Së dyti denoj qendrimin e papergjegjshem te Edi Rames, i cili pasi ka katandisur ne gjendje mjerane Forcat e Armatosura te Shqiperise me nje buxhet qe nuk arrin as gjysmen e atij qe kerkohet nga NATO per vendet anetare, keqperdor kete lajm te nje rendesie te veçante per te mbuluar gjendjen tejet te veshtire financiare dhe jo vetem ne te cilen ai dhe qeveria e tij kane lene keto vite Forcat tona te Armatosura.?-përfundon postimin e tij Sali Berisha./CNA.al