web counter
LEXO PA REKLAMA!

SHKARKO APP

App Store
Google Play

E fundit!

x

“Trupi i tij u bë autostradë”/ Ish-ministri rendit pesë faktet që “kapin mat” Lulzim Bashën

27 Tetor 2021, 07:38, Politikë CNA

Ish-ministri i Drejtësisë, në qeverinë ?Rama 1?, Ylli Manjani ka ironizuar kryetarin e Partisë Demokratike, Lulzim Basha, në lidhje me disa nga kauzat e humbura të këtij të fundit.

Në një postim në rrjetet sociale, Manjani rendit pesë fakte që ?kapin mat?, Lulzim Bashën, i cili betohej se ?duhej të kalonin mbi trupin e tij?, për shumicën e çështjeve, por në fund ka humbur çdo kauzë.

Manjani shkruan se trupi i tij është bërë ?autostradë?, ku ecen me shpejtësi qeveria e Rilindjes.

?1. Do kufizonte mandatin e Kryeministrit. Jo më shumë se 2 mandate. Por nuk kufizon dot mandatin e vet në parti. Ka hyrë tek i treti pasi humbi çdo gjë në dy të parat.

2. Do bënte Shqipërinë me Senat, por edhe atë pak parlament që ka ngelur do tja dorëzojë policisë dhe Prokurorisë.

3. Do bënte sistem të ri zgjedhjesh. Ndërkohë propozon që deputetët t?i zgjedhë SPAK-u, jo populli.

4. Do zhbënte ndryshimet kushtetuese të 2008-ës. Në fakt propozon ndryshime të tjera që e kthejnë vendin në kushtetutën e 1976-ës.

5. Do kthente normalitetin demokratik, por na propozon frontin demokratik, të gjyqeve publike.

Nuk po përsëris këtu numrin e pafundëm të rasteve ku do të duhej të kalonin mbi trupin e tij? Trupi i tij u bë autostradë ku qeveria moniste ecën me shpejtësi të lartë.

Por këto propozime dhe sjellje publike janë të Lulit, jo të miat.?-shkruan Ylli Manjani./CNA.al





Lajmet e fundit nga