LEXO PA REKLAMA!

SHKARKO APP

App Store
Google Play

Bashkëqeverisja PS-PD/ Gjiknuri: Mbështesim amendimet e opozitës, janë unike

26 Tetor 2021, 18:20, Politikë CNA
Bashkëqeverisja PS-PD/ Gjiknuri: Mbështesim amendimet e opozitës,

Bashkëqeverisja PS-PD duket se po jep shenjat e para. Partia Demokratike dorëzoi në Kuvend tre propozimet për amendimine Kushtetutës, duke nisur nga zhbërjen e ndryshimeve të Kushtetutës për sistemin zgjedhor të miratuara nga mazhoranca vjet në korrik, kalimin e politikanëve në veting dhe reformë të re territoriale.

Lidhur me këto propozime, ka reaguar sekretari i përgjithshëm i PS Damian Gjiknuri, i cili në një intervistë për media u shpreh se reforma territoriale meriton një trajtesë të përbashkët.

?Çështja është vetëm te ligji i pushtetit vendor. Kjo do një studim dhe një punë të përbashkët sepse janë reforma bipartizane, nuk i kemi votat as ne as ata, duhen 84 vota për të ndryshuar ligjin. Propozimi i PD-së për reformën territoriale nuk ka fare nevojë për ndërhyrje të nivelit kushtetues, megjithatë jemi të hapur të diskutojmë?, tha ai.

Sa i takon vettingut të politikanëve, një nga pikat më të diskutuara ditët e fundit, Gjiknuri e ka cilësuar si një risi unike që nuk e ka asnjë vend tjetër.

?Ky vend ka mjaftueshëm ligje që bëjnë atë që quhet filtër për politikanët. Kemi legjislacionin për deklarimin e pasurisë ku politikanët i nënshtrohen një hetimi të plotë administrativ për sa i përket burimit të pasurive. Vetingu i politikanëve bëhet nëpërmjet zgjedhjeve, pra politikanët nuk zgjidhen në mënyrë të përjetshme. Kjo do të thotë që vetë qytetarët gjykojnë, vetë partitë politike duhet të pastrohen në radhët e tyre dhe janë qytetarët që japin vendimet me votën e tyre?, tha ai.

Sipas Gjiknurit, përfshirja e gjyqësorit në një rol aktiv të një hetimi administrativ është e padëgjuar sepse Prokuroria dhe Gjykata veprojnë kur ka shkelje ligjore, nuk mund të bëjnë rolin e një filtri administrativ. Megjithatë, Gjiknuri nuk u shpreh kundër diskutimit me opozitën.

?Në parim ne jemi dakord të diskutojmë çdo gjë që është brenda parimeve demokratike, pa cenuar parimet normale që është e drejta e zgjedhjes, stabiliteti i partive politike, e drejta e kandidimit dhe garës?, deklaroi Gjiknuri./CNA.al

Lajmet e fundit nga