LEXO PA REKLAMA!

SHKARKO APP

“Bashkëqeverisja” shton zinxhirin korruptiv”/ Shehi tregon barsaleta, “kryqëzon” mazhorancën

27 Tetor 2021, 09:35, Politikë CNA
“Bashkëqeverisja” shton zinxhirin korruptiv”/ Shehi

Platforma e re ?Agjencia për dialog dhe bashkëqeverisje? është bërë shkak për debate mes deputetëve të opozitës dhe mazhorancës në Komisionin e Ekonomisë.

Kreu i LZHK-së, Dashamir Shehi e cilësoi këtë platformë, si një mekanizëm sajesë që nuk do të sjellë asnjë ndryshim madje thotë se do shtojë zinxhirin korruptiv.

Shteti sipas tij s?ka më nevojë për agjenci të tjera, por duhet të vërë në punë ata që janë.

Kjo agjenci thotë Shehi është e panevojshme, e tepërt dhe e dëmshme, ndërsa shpjegon dhe arsyet se përse ka një mendim të tillë.

?Shteti shqiptar i ka të gjitha ka kryeministër, ministra, qeveri, çdo ministri ka linjë kontrolli të vetën. Pse do fusim një mekanizëm që është sajesë sepse nuk ekziston në asnjë vend të botës. Komiteti i partisë që vëzhgonte komitetin ekzekutiv. Shteti i ka të gjithë veglat e veta dhe ky kryeministër i ka në dorë të gjitha mundësitë për me kontrollu. Nëse do  të zgjerojë kontrolli,  të zgjerojë agjencinë që ka.

Po fute një grup për të kontrollu një grup tjetër nuk ndodh pastrimi ndodh e kundërta.?-tha Shehi.

Më tej, ai  ironizoi mazhorancën, ndërsa tregoi edhe një barsaletë.

?Do them një barcaletë. Nuk lejuan doganierët për të kontrollu për trafikun e naftës por policët, u korruptuan dhe policët, vunë një pjesë të mirë shtetit dhe të gjithëve u erdhi era naftë. Edukojmë doganierët, jo të kontrollojmë doganierët me mbidoganier. Nëse vazhdojmë të ngremë kështu agjencishë se po vazhdojnë, një për informacionin. Brenda kryeministrisë ka disa të tilla që janë të dëmshme. Çfarë është ai komisioni që kontrollon tenderat, kontrollon tender mbi tendera, shtojmë linjën e zinxhirit korruptiv. Shteti ska më nevojë për agjenci të tjera, të vëmë në punë ata që janë jo këto të tjerat. Në shoqëri demokratike ka institucione të tjera që e bëjnë këtë punë. Po ato do i nxjerrim jashtë loje. Është e panevojshme e tepërt është e dëmshme, kjo puna e shpenzime është e fundit sepse ato paret po i marrin ka vite. Më shqetëson që shteti dhe administrata po denatyralizohet.

Po ma dëgjuat këtë këshillë bëni mirë, kë do ruani ju, ato që keni vënë vetë, ato do trembi ato do korruptoni po të juajët. Nocioni do ishte se administrata është e shtetit, administrata është e partisë?, deklaroi deputeti Shehi./CNA.al

Lajmet e fundit nga