LEXO PA REKLAMA!

SHKARKO APP

Siguria kibernetike/ Balluku: Nuk bëhet me ishuj të izoluar

3 Prill 2024, 18:55, Politikë CNA
Siguria kibernetike/ Balluku: Nuk bëhet me ishuj të izoluar
Zv.kryeministrja Belinda Balluku

Zv.kryeministrja Belinda Balluku foli sot në tryezën për Simulimin e Menaxhimit të një Krize Kibernetike, ku e vuri theksin tek ngritja e kapaciteteve të vendit tonë në aspektin e sigurisë kibernetike.

“Qeveria Shqiptare ka nisur një proces dixhitalizimi të të gjitha shërbimeve. Një proces dixhitalizimi që patjetër i përgjigjet nevojës së kohës dhe të gjithë modernizmit të proceseve, sistemeve, ndërmarrjeve, por nga ana tjetër edhe me një synim parësor për uljen e nivelit të korrupsionit.

Duke qenë se duke pasur sisteme të dixhitalizuara, ulet në minimum kontakti i qytetarëve që marrin shërbime me ata që i ofrojnë. Kështu që duke pasur këtë në mendje kemi nisur një rrugëtim të gjatë i cili sigurisht kërkon vëmendje, kërkon kapacitete njerëzore të përgatitura dhe mbi të gjitha kërkon një investim intensiv kapital nga qeveria. 

Nga ana tjetër dixhitalizimi i shërbimeve, dixhitalizimi i proceseve të administratës shtetërore, sigurisht rrit nivelin e ekspozimit ndaj sulmeve kibernetike. Dhe ka qenë korriku i 2022 i cili na tregoi fare mirë se çfarë impakti mund të ketë një sulm i mirë organizuar nga aktorë shtetërorë në goditjen e një vendi.”

Gjithashtu, ministrja Balluku theksoi se siguria kibernetike nuk mund të bëhet me ishuj të izoluar.

“Nëse vetëm administrata do të investonte në këtë drejtim dhe biznesi privat do të qëndronte jashtë do të ishte e pamjaftueshme.

Siguria kibernetike është një element i cili tashmë duhet të përvetësohet nga secili prej nesh, jo vetëm në nivelin e biznesit, në nivelin e administratës publike, por edhe në nivelin personal përsa kohë nga moshat shumë të reja, për të mos thënë nga fëmijët e vegjël që ne e dimë të gjithë që nuk është mirë, por janë të ekspozuar ndaj teknologjisë, dhe deri tek moshat e treta, sot të gjithë kanë akses dhe të gjithë kanë bazuar kryesisht jetën e tyre mbi teknologjinë.”/ CNA

Lajmet e fundit nga