LEXO PA REKLAMA!

SHKARKO APP

"Qeveri teknike"/ Berisha thirrje bizneseve: Të largojmë narko-regjimin

3 Prill 2024, 18:17, Politikë CNA
"Qeveri teknike"/ Berisha thirrje bizneseve: Të largojmë
Ish-kryeministri Sali Berisha

Ish-kryeministri Sali Berisha në një lidhje direkte me tryezën që po zhvillon Partia Demokratike me biznesmenë dhe profesionistë të lirë, u shpreh se në fushën e biznesit njësoj si në fushat e tjera, që prej vitit 2013 ka ndodhur një regres i papërmbajtur.

“Nuk po flas për vendosjen e taksës progresive, por për përjashtiminn e garës së hapur, si edhe zhvillimin e prokurimeve sekrete. Po flas për spekullimet që bëhen me biznesin e vogël, me taksën e vendosur për shtresën e mesme.

I tërë biznesi dominohet nga një grup oligarkësh të lidhur me qeverinë, dhe që bëjnë ligjin, sipas interesave të tyre.

Për të gjitha këto, sot eknomia dhe biznesi janë në një situatë dëshpëruese dhe kërkojnë zgjidhje sa më të shpejtë.”

Gjithashtu, Berisha tha se realizimi i një program ekonomik, kërkon si kusht largimin e narko-regjimit, dhe krijimin e një qeverie teknike e zhvillimin e zgjedhjeve të lira dhe të ndershme.

"Ndaj unë i bëj sot thirrje bizneseve dhe sipërmarrjeve, që të bashkohen në këtë përpjekje të madhe të opozitës, që Shqipëria të dalë nga sistemi monist ku ndodhet aktualisht”, u shpreh lideri demokrat./ CNA

 

Lajmet e fundit nga