web counter
LEXO PA REKLAMA!

SHKARKO APP

App Store
Google Play

E fundit!

x

Në PD mungojnë dokumentet për auditimin/ CNA sjell linket ku shkarkohen provat kundër Bashës

26 Shtator 2022, 17:39, Politikë CNA
Në PD mungojnë dokumentet për auditimin/ CNA sjell linket ku
Lulzim Basha

Sot Partia Demokratike ka zhvilluar një mbledhje të kryesisë dhe sekretariatit, ku një nga vendimet e marra ka qenë dhe auditimi i atyre që quhen finacime ruse të Lulzim Bashës për lobim në SHBA.

Një grup auditimi është ngritur ku personi që do të drejtojë është Ledina Mandia, ish zëvëndës kryeministrja e Lulzim Bashës në qeverinë Rama, Edmond Spaho, ish nënkryetar i Lulzim Bashës dhe Florion Mima, ish deputet i kësaj partie dhe ish ministër në qeverinë e Berishës.

Ajo që ka rënë në sy, në këtë mbledhje, është fakti se në PD, janë zhdukur dokumente. Burime zyrtare nga mbledhja e kryesisë së PD, i thanë CNA.al se sekretari i përgjithshëm Flamur Noka ka deklaruar se nuk ka asnjë dokumet zyrtar, në lidhje me çështjet e lobimit apo arkivën e partisë mbi dokumentacionet e përdorura, sepse këto janë zhdukur apo janë marrë.

Ne fakt, CNA.al, më poshtë po sjell dy linke, ku zyrtarisht mund të shkarkohen dokumentat e deklaruara nga Nik Muzin në lidhje me Lulzim Bashën dhe lobimin e tij në SHBA.

Në PD mungojnë dokumentet për auditimin/ CNA sjell linket ku

Deklarimet e Nik Muzin, në lidhje me Lulzim Bashën dhe lobimin e tij në SHBA

Link 1, (kliko ketu)

Link 2 (Kliko ketu)

Grupi auditimit në fakt nuk dihet se çfarë do të auditojë, për shkak të faktit se pagesat nuk janë bërë nga numrat e llogarive zyrtare të Partisë Demokratike. Dy personat, Ilir Dervishi dhe Arbën Ristani, ish sekretar i përgjithshëm dhe përgjegjës i financave të partisë, janë shfajësuar dhe kanë deklaruar publikisht por dhe në takime konfidenciale që nuk kanë pasur dijeni në lidhje me këto pagesa të Lulzim Bashës apo se ato janë bërë personalisht prej tij.

Nga ana tjetër, edhe dokumentet që ne po publikojmë, janë deklarime të Nik Muzin, bërë në Departamentin Amerikan të Drejtësisë.

Çfarë mund t’u editosh këtyre dokumentave, është e shkruar e zeza mbi të bardhë, që Lulzim Basha ka firmosur një kontratë 1milion e 50 mijë dollar, nga të cilat 500 mijë do paguheshin direkt, pastaj do ishte një pagesë me 3 këste, ndërkohë që KQZ-ja, dhe në Shqipëri dihej vetëm pjesa e parave që do paguante PD-ja nga llogaritë e saj.

Në PD mungojnë dokumentet për auditimin/ CNA sjell linket ku

Këto dy linke, mund t'i marrin, mund t'i auditojnë, mund t'i shkarkojnë, por sërish edhe grupi auditimit, ka për të bërë ‘një vrimë në ujë’ pasi në fianale, pyetja që lind është a do të kallëzohet penalisht Lulzim Basha i cili ka shpërdoruar në fakt detyrën duke abuzuar me logon e PD-së dhe siglën e saj si kryetar i saj, duke bërë pagesa qindra mijëra euroshe nga offshore me pronarë rusë, që happen për 24 orë dhe zhduken, por kurrsesi nuk e dimë se kush është burimi i të ardhurave.

Pra edhe në rast se hapet një hetim tjetër, Basha do të akuzohet thjesht dhe vetëm personalisht  për fshehjen dhe do të gjej burimin e këtyre të ardhurave, pasi në asnjë rast nuk dihet burimi i tyre. Ata mund të mos jenë para ruse, mund të jenë para shqiptare korrupsioni të çuara nëpër offshore për të humbur gjurmët e të tjera si këto.

Por çfarë do të thotë auditi, që Nik Muzin ka deklaruar kaq, 'Luli nuk e dinte që ishin aq, po neve s’na kanë thënë kaq!". Thjesht dhe vetëm në finale do të përpiqen që të shpëtojnë siglën e PD-së nga akuza në lidhje me paratë ruse por edhe këtë, vështirë se do ta bëjnë dot, pa kompania që ka bërë transfertën e parave kishte pronarë rus dhe kjo nuk është më për tu diskutuar dhe as për tu audituar, por është fakt si e shpërdorojë Partinë Demokratike Lulzim Basha, si abuzojë me detyrën e kryetarit, kjo është diçka tjetër që tashmë nuk i përket më një auditimi por Luli e ka marrë përgjigjen duke u nxjerrë për leckash/CNA.al

 





Lajmet e fundit nga