LEXO PA REKLAMA!

SHKARKO APP

Rama, në Asamblenë e OKB-së/ Dokumenti i Dick Marty-t dështim ndërkombëtar, pranoni kërkesën tonë

24 Shtator 2022, 18:25, Politikë CNA
Rama, në Asamblenë e OKB-së/ Dokumenti i Dick Marty-t
Edi Rama

Kryeministri Edi Rama, në fjalën e tij në Asamblenë e OKB-së, ka folur për raportin e Dick Marty-n.

Ai e ka konsideruar dështim këtë raport, pasi sipas tij, nuk jepej asnjë provë për spastrim njerëzor në Kosovë, ndërsa shtoi se ky raport njollos një vend.

Rama përmendi edhe arrestimin e ish-presidentit të Kosovës, Hashim Thaçi, duke e cilësuar si një fakt tronditës pasi ndaj tij nuk kishte pasur asnjë padi.

“Sa pëmendet fjala Ballkan, vijnë imazhet e njollosura të krimeve njerëzore, të gjenocidit në Srebrenicë dhe spastrimit njerëzor në Kosovë, llogaridhënia duhet të vazhdojë, por kjo kërkon angazhim dhe vendosmëri ndaj idealeve të drejtësisë dhe bashkëpunimit mes palëve, drejtësia shërbehet me fakte, prova dhe me të dhëna, nuk mund të mos ndaj një shembull të tmerrshëm që duhet të jetë një mësim për botën. 

Në 2011, u soll raporti i Dick Marty-t ku akuzohej ushtria e Kosovës për trafikimin e organeve, duhet të ishte paguar si tregimtar, por jo si raportues i Këshillit të Europës. Jo vetëm që shumë i besuan, po u shndërruan në faktorë kyç për ngritjen e dhomave të specializuara dhe u bë një nga rastet më të rënda të manifestit kundër pavarësisë së Kosovës.

Asnjë grimë prove apo treguesi nuk u gjet askund në Kosovë dhe asnjë vend tjetër, e megjithatë, dhomat e specializuara kanë arrestuar pa padi Hashim Thaçin, ai priti një vit në burgim derisa u akuzua zyrtarisht, imagjinojeni njëherë, presidenti juaj, që merret nga zyra çohet në një vend të tretë që mbahet i ndaluar për një vit të tërë pa asnjë akuzë zyrtare, as edhe një fjalë e vetme e aktakuzës nuk ka të bëjë me raportin e Këshillit të Europës, për krimin e pretenduar të trafikimit, një fantazi e tërë, dështim monumental në nivel ndërkombëtar, njollosje e një vendi.

Rama i ka kërkuar Asamblesë që të pranojë kërkesën e Shqipërisë për të pasur një raport të ri.

“Ne mendojmë që Asambleja do të thotë të vërtetën dhe do të pranojë kërkesën e Shqipërisë për të pasur një raport vijues, ndërkohë që dëmi është bërë dhe të ndihmojë të rivendosë besueshmërinë e një organizate kaq të rëndësishme”, tha Rama./CNA.al

Lajmet e fundit nga