LEXO PA REKLAMA!

SHKARKO APP

Veliaj e pranon/ Me Alex Sorosin kam raport special, jam krenar

23 Shtator 2022, 22:18, Politikë CNA
Veliaj e pranon/ Me Alex Sorosin kam raport special, jam krenar
Kryebashkiaku i Tiranës, Erion Veliaj

Kryebashkiaku i Tiranës, Erion Veliaj, ka pranuar se ka njohje e miqësi me djalin e George Soros, Alex Soros.

Veliaj tha mbrëmjen e sotme në emisionin “Log” të Endri Xhafos se familja Soros ka investuar në Shqipëri dhe nuk mund të jetë mosmirënjohës.

Ai u shpreh krenar që ka një raport special me Sorosin, ndërsa hodhi akuza ndaj Partisë Demokratike.

"Kemi vite që njihemi dhe unë besoj që të kesh shok dhe të jesh besnik me shokët s’është e jashtëligjshme, kemi një raport special dhe unë s’e kam kompleks, jam krenar. Kur një njeri, babai i të cilit ka bërë më shumë shkolla në Shqipëri dhe ku bukëshkalët që kanë marrë bursa dhe u paguhej rroga në qeveri të Sali Berishës, kur këta janë mosmirënjohës, këta duhet të ndihen keq. Unë jam superkrenar. Vala më e madhe e shkollave ka qenë nga Sorosi. Vala e dytë është kjo që po kalojmë tani dhe t’i thuash plaç një njeriu që ndërton shkolla dhe të paguan shkollën. Unë jam mirënjohës jo vetëm me Aleks Sorosin, por me çdo njeri që ka bërë mirë në këtë vend. Unë besoj që ky është një qytet mirënjohës, ne jemi racë mirënjohëse, unë nuk pështyj dot aty ku kam ngrënë", theksoi Veliaj./ B.A. – CNA.al

Lajmet e fundit nga