LEXO PA REKLAMA!

SHKARKO APP

Kolegji turk përplas politikën/ Berisha i përmend djalin Ramës

23 Shtator 2022, 12:35, Politikë CNA

Kolegji turk përplas politikën/ Berisha i përmend djalin

Vendimi i qeverisë për mbylljen e shkollës turke në Tiranë, “Mehmet Akif”, është dënuar nga kreu i PD-së, Sali Berisha.

Ky i fundit, ndërsa ka lëshuar akuza ndaj kryeministrit Edi Rama, i ka përmendur edhe djalin.

Sipas tij, Rama ka mbyllur një kopsht ku kanë qenë 250 Zaho.

 “Konsideroj një akt të rëndë mbylljen pa asnjë shpjegim publik, por vetëm në diktatin e Erdoganit të shkollës që mban një nga emrat më të nderuar, autorin shqiptar të himnit turk, Mehmet Akif dhe të kopshtit. Dua t'i them dy fjalë Edi Ramës. Ke mbyllur një kopsht ku kanë qenë 250 Zaho, të skuqesh nga turpi, që u mbyll vogëlusheve kopshtin. Një akt të tillë nuk mund ta ndërmerrte kush kurrë.

Edhe një herë, Edi Rama ke treguar se je i aftë për çdo lloj akti. Të zbrisje ti dhe të trishtosh 255 fëmijë në kopsht. Një kopsht model.

Ta mbyllësh se përkulesh për shkak të lidhjeve, akti më i shëmtuar. Dua të mendoje 255 herë si për djalin tënd para së të ndërmerrje një vendim të tillë.

Nëse kishte mësues që kishte probleme me drejtësinë turke sille dosjen dhe t'i gjykojmë.

Ne jemi për luftën kundër terrorizmit, por të mbyllesh me një urdhër një kopsht shembullor.

Çfarë u thotë ky kryeministër 255 fëmijëve që u bashkuan dhe nuk mund të shkojnë në kopshtin e tyre. Mund ta bëjë një njeri i përgjegjshëm këtë. Kurrë!

E njëjta gjë për kolegjin 'Mehmet Akif'. Një nga më të mirët. Për probleme ideologjike që ka Erdogani me Gylenin, ato janë probleme të Turqisë, jo të Shqipërisë. Nga Shqipëria nuk do të pranonim që të projektoheshin akte kundër republikës turke”, tha Berisha./CNA.al

Lajmet e fundit nga