E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Meta, të nxjerrë dosjet e Ramës/ SPAK-u duhet ta thërrasë me urgjencë

23 Shtator 2022, 18:10, Politikë CNA

Meta, të nxjerrë dosjet e Ramës/ SPAK-u duhet ta

Fotomontazh - SPAK, Ilir Meta dhe Edi Rama

Ilir Meta ka ndezur një sulm të padëgjuar ndaj 5 anëtarëve të Autoritetit të Dosjeve.

Në deklarimet e sotme, ai tha midis të tjerash se ka në zotërim fakte dhe dosje kundër kryeministrit Edi Rama.

Por nuk i tregoi cilat ishin ato, pasi sipas asaj që deklaron kryetari i PL-së, "po pret kohën e duhur për t’i nxjerrë".

"E kam gjithnjë në kohën e duhur. Ai, Edi Rama, kujton se do t'i fshihet përgjegjësive duke shpikur këto", tha Meta.

Meta, që ka kallëzuar në SPAK anëtarët e Autoritetit të Dosjeve të ish-Sigurimit të Shtetit, sa u takon dyshimeve si ish-bashkëpunëtor i Sigurimit të Shtetit thotë se betejën e ka të fituar, pasi figura e tij është e pastër.

Meta, të nxjerrë dosjet e Ramës/ SPAK-u duhet ta

“Manipulim i hapur. Atë e kam pasur shok klase, që thonë se e kam spiunuar. Ata e dinë kush është I.M., e kanë atje. Si mundet Autoriteti me një e-mail anonim të mblidhet për një ditë të marrë 7 vendime.

Vetë e kanë bërë ligjin këta. Pse e shkelin ligjin këta. Me mua do kenë probleme të mëdha", u shpreh ai.

Përtej kërcënimeve të Metës, ndaj një bordi ku shumica i përkasin shtresës së ish-të përndjekurve, SPAK-u duhet të thërrasë Ilir Metën si person që deklaron se ka dijeni për vepra penale të kryera nga Edi Rama.

“Kam dosje për të”/ Meta kërcënon hapur Ramën
23 Shtator, 10:41

Ilir Meta me hir ose me pahir duhet të shkojë urgjent për të depozituar dosjet që ai i paska dhe që mendoka se përbëjnë vepra penale të Edi Ramës.

Ndryshe ai vetë po konsumon 2 vepra penale.

Atë të fshehjes së veprave penale si dhe atë të shantazhit e zbërthyer kjo si nxjerrje e përfitimeve nga ato që di, i disponon dhe nuk i tregon.

Meta, të nxjerrë dosjet e Ramës/ SPAK-u duhet ta

Sali Berisha duhet të reagojë tani nëse e ka seriozisht kur deklaron se koha nuk pret. Nëse koha është tani, për greva dhe protesta pa ndalim nga shqiptarë që nuk disponojnë letrat të shkeljeve të Ramës, ajo kohë nuk mund të jetë një kohë tjetër për Ilir Metën.

Ndaj Meta ose t’i nxjerrë, ose të shkojë të qajë në supin e Monës.

Historia e shantazhit politik, live, në sytë e SPAK-ut dhe të gjithë shqiptarëve duhet të marrë fund./ CNA.al