LEXO PA REKLAMA!

SHKARKO APP

Veliaj zbërthen deklaratat e Ramës/ Kush është gjyqtari i kapur nga ndërtuesit

23 Shtator 2022, 22:56, Politikë CNA
Veliaj zbërthen deklaratat e Ramës/ Kush është gjyqtari i
Kryebashkiaku i Tiranës, Erion Veliaj

Kryebashkiaku i Tiranës, Erion Veliaj, ka zbërthyer deklaratën e bërë disa ditë më parë nga kryeministri Edi Rama, i cili tha se ndërtuesit po blejnë prokurorët  dhe gjyqtarët.

Veliaj zbuloi se e ka fjalën për gjyqtarin Avni Sejdi. Ai tregoi në emisionin “Log” të Endri Xhafos se gjyqtari Sejdi i ka dhënë masë sigurie një ndërtuesi që ka ndërtuar në mënyrë të paligjshme në varrezat e Sharrës.

“Unë e di se për çfarë flet kryeministri. Ti ke sot situata të çuditshme në këtë vend ku një ndërtues ka ndërtuar në mënyrë të paligjshme në varreza dhe gjyqtari Avni Sejdi shkon jep masë sigurie. Për këta gjyqtarë e ka fjalën kryeministri, në këto raste ne i kemi kapur këta njerëz në flagrancë. Ti ke sot gjyqtarë mjeshtra. Po të shikosh në varrezat e Sharrës, mjeshtri i ka dhënë sigurinë.

Ata e dinë që se kalojnë dot vettingun se janë maskarenj. Në pamundësi për të kaluar vettingun thotë unë edhe dy muaj jam sa të më vijë data, kap çfarë të kapësh. Kryeministri këtë ka adresuar”, theksoi kryebashkiaku socialist./ B.A. – CNA.al

 

Lajmet e fundit nga