web counter
LEXO PA REKLAMA!

SHKARKO APP

App Store
Google Play

E fundit!

x

E djathta triumfon zgjedhjet në Itali/ Berisha mesazh urimi për Giorgia Melonin

26 Shtator 2022, 12:15, Politikë CNA

E djathta triumfon zgjedhjet në Itali/ Berisha mesazh urimi për

Kryetari i Partisë Demokratike, Sali Berisha ka uruar Giorgia Melonin për fitoren e zgjedhjeve nga qendra e djathtë në Itali.

Në një deklaratë për shtyp, Berisha tha se Meloni është një euro-atlantiste e vendosur.

“Në Itali, fituan Georgia Meloni, Mateo Salvini, Silvio Berluskoni, aleatët tanë tradicionalë.

Sot, Italia është në një moment historik. Meloni, sipas votës së qytetarëve italianë, do jetë kryeministrja reformatore e ardhshme e Italisë.

Fitorja e zonjës Meloni dhe koalicionit që ajo udhëhoqi, është fitore e vlerave konservatore më të arrira të shoqërive të lira, fitore e lirisë, familjes, atdhetarisë dhe atdheut.

Meloni është një euro-atlantiste e vendosur. Ajo ka përkrahur plotësisht qëndresën e kombit ukrainas për liri, dënuar agresionin barbar rus ndaj Ukrainës, ka qëndruar në anën e NATO dhe SHBA në këtë betejë.

Georgia Meloni pa diskutim ka një begraund dhe vokacion të qartë europeist, në favor të BE-së.

Natyrisht, vlerat në të cilat ajo beson, janë vlera që gjithnjë e më shumë po triumfojnë në Europë.

Kështu që me këtë rast, unë i uroj zonjës Meloni, atë post për të cilin e votuan qytetarët italianë, dhe suksese të tjera të mëdha”, u shpreh ai./ B.A. – CNA.al





Lajmet e fundit nga