LEXO PA REKLAMA!

SHKARKO APP

Kryemadhi e financuar nga para ruse?/ Meta: Shkrimi është i paguar me lekët e inceneratorëve

16 Mars 2023, 21:10, Politikë CNA
Kryemadhi e financuar nga para ruse?/ Meta: Shkrimi është i paguar me
Kryetari i Partisë së Lirisë, Ilir Meta

Një ditë më parë, media e huaj “Eureporter” publikoi një lajm, ku nxirrte disa dokumente dhe akuzonte deputeten Monika Kryemadhi se kishte marrë pagesa nga kompani offshore të biznesmenëve rusë të naftës, mbështetës të mëdhenj të Presidentit Vladimir Putin.

Pasi lajmi bëri jehonë në të gjitha mediat shqiptare, artikulli për Monika Kryemadhin u fshi. Lidhur me akuzat për pagesa nga oligarkë rusë ka reaguar mbrëmjen e sotme kryetari i Partisë së Lirisë, Ilir Meta.

Gjatë një takimi me strukturat e PL-së Tiranës, Meta tha se këto pretendime janë qesharake dhe të rreme.

Sipas tij, lajmi në “Eureporter” ka qenë i paguar me lekët e inceneratorëve.

“Ishte marrë edhe dje “Financial Times” me këta, kishin paguar një artikull që Monika kishte marrë pagesa nga oligarkë të lidhur me Putinin. Janë qesharake dhe fake. Por këto i bëjnë me lekët e inceneratorëve, me to bëhen mediaplaneve në Shqipëri. Të gjitha shpifjet dhe ato që propagandohen janë me lekët e inceneratorëve dhe korrupsionit”, theksoi kreu i PL-së./ CNA

Lajmet e fundit nga