LEXO PA REKLAMA!

SHKARKO APP

Rrëzuan vendimin e Celibashit për regjistrimin e PD-së në zgjedhje/ Si votuan pesë anëtarët e KAS-it

16 Mars 2023, 16:45, Politikë CNA

Rrëzuan vendimin e Celibashit për regjistrimin e PD-së në

Komisioni i Ankesave dhe Sanksioneve doli sot me vendimin se PD e vulës, e drejtuar nga Enkejeld Alibeaj dhe Lulzim Basha, duhet të regjistrohet në zgjedhjet e 14 majit.

Seanca zgjati 60 minuta dhe anëtarët e KAS-it e quajtën të vlefshme deklaratën e solemnitetit që është firmosur nga Alibeaj dhe jo nga Basha, i cili rezulton kryetar zyrtar i PD-së në gjykatë.

Raportohet se 4 nga anëtarët votuan pro, ndërsa njëri prej tyre votoi kundër. Konkretisht në favor të Alibeajt votuan Elvin Lako, Ilirjan Rusmali, Koli Bele dhe Ledio Braho.

Nga ana tjetër vota kundër i përket Elvis Çefës.

Kujtojmë se Ilirjan Celibashi i la Bashës afat 48 orë të plotësojë dokumentacionin si kryetar zyrtar i PD-së në gjykatë. PD e vulës pretendoi se dokumentacioni ishte i rregullt dhe e ankimoi këtë vendim, por KAS e dërgoi sërish çështjen "në duart" e Celibashit.

Më pas, kreu i KQZ vendosi të mosregjistrojë PD-në në zgjedhje. Ky vendim sërish u dërgua në KAS dhe ky i fundit doli me konkluzionin se duhet të bëhet regjistrimi me kryetarin e komanduar Enkelejd Alibeajn./ CNA.al

Lajmet e fundit nga