web counter
LEXO PA REKLAMA!

SHKARKO APP

App Store
Google Play

E fundit!

x

Salianji një hap larg burgut/ Caktohet gjyqtarja që ka në dorë "fatin e Babales"

16 Mars 2023, 16:20, Politikë CNA

Salianji një hap larg burgut/ Caktohet gjyqtarja që ka në

Deputeti demokrat, Ervin Salianji, dhe Jetmir Olldashi, të cilët akuzohen për çështjen "Babalja", për kryerjen e veprës penale “Kallëzim i rremë” i kryer në bashkëpunim do të shqyrtohet tashmë nga gjyqtarja relatore, Elona Toro. 

Në apel u hodh sot shorti midis dy anëtarëve të trupit gjykues të përbërë prej gjyqtarëve Genti Shala dhe Elona Toro, dhe u përzgjodh kjo e fundit.

Toro u zgjodh me anë të një shorti elektronik.

NJOFTIMI
Në vijim të komunikimit, mbi çështjen penale me të pandehur Jetmir Olldashi dhe Ervin Salianji, akuzuar për kryerjen e veprës penale “Kallëzim i rremë” i kryer në bashkëpunim, parashikuar nga nenet 305 dhe 25 të Kodit Penal, viktim/kallëzues i veprës penale, shtetasi Geron (Agron) Xhafaj, Gjykata e Apelit të Juridiksionit të Përgjithshëm, ju informon si më poshtë:

Sot më datë 16.03.2023, çështja penale e lartpërmendur u shortua midis dy anëtarëve të trupit gjykues të përbërë prej gjyqtarëve Genti Shala dhe Elona Toro.
Në bazë të shortit elektronik, çështja i ra për gjykim gjyqtares relatore Elona Toro.

Në vazhdimësi, do njoftoheni për ecurinë e kësaj çështje.

Kujtojmë se Salianji kërkoi përjashtimin e gjyqtares relatore Edlira Petri pasi sipas tij, ka papajtueshmëri ligjore, pasi Petri është bashkëshorte e gjyqtarit të Gjykatës së Lartë Sokol Sadushi, i cili ka qenë pjesë e një kolegji që është shprehur me vendim për një nga vendimet e ndërmjetme të Shkallës së Parë./CNA





Lajmet e fundit nga