LEXO PA REKLAMA!

SHKARKO APP

Pse u zbut “Top Channel”, Vjollca dhe Lori pas shembjes së pallatit të Irfanit

5 Dhjetor 2022, 20:36, Aktualitet CNA

 

Pse u zbut “Top Channel”, Vjollca dhe Lori pas shembjes së
Fotomontazh - Lori Hoxha, Vjollca Hoxha dhe Irfan Hysenbelliu. Në sfond Top Channel

 

Një pallat pa leje, i pretenduar hotel me një leje zhvillimi të shkelur, me një leje të hequr, me pishina pa leje u shembën nga INUK-u.

Këto ishin në pronësi të Irfan Hysenbelliut, njeriut i cili pretendon se është Berlusconi i medias shqiptare, biznesmen, që së fundmi me daljen e tij publike na tha se nuk e kishte shkelur ligjin.

Pse u zbut “Top Channel”, Vjollca dhe Lori pas shembjes së

Në fakt, objekti u shemb. Qeveria deklaron se është ndërtim pa leje. Nga ana tjetër, Hysenbelliu është çuar në prokurori për evazion fiskal. Gjithashtu Drejtoria e Tatimeve ka deklaruar se ai ka borxhe me miliona euro si tatim-fitim i deklaruar, po Doganat kanë zbardhur gjoba qindra mijëra euro, e të tjera si këto.

Pra, përtej një pronari mediash, kemi një biznesmen me problematika me shtetin shqiptar, që qartazi tashmë është provuar se median e tij e ka përdorur për interesat krejtësisht klienteliste të biznesit të tij.

Pse u zbut “Top Channel”, Vjollca dhe Lori pas shembjes së

Pavarësisht se pretendon se sulmi ndaj tij është një sulm ndaj medias, kjo është totalisht e pavërtetë, pasi Irfan Hysenbelliu për rreth 8 vite ka mbajtur thjeshtë dhe vetëm ison e Partisë Socialiste dhe ka qenë një nga njerëzit që ka luftuar për koalicionin Meta-Rama për të rrëzuar Berishën, njeriu që ka mbajtur Ramën si mik të ngushtë, ashtu siç e artikuloi dhe vetë dje në daljen e tij mediatike.

Pra, nuk kemi të bëjmë me një sulm ndaj medias, kemi të bëjmë me një zbatim të ligjit dhe pse dikush është mik dhe është pronar televizionesh.

Pse u zbut “Top Channel”, Vjollca dhe Lori pas shembjes së

Sot, pas zbatimit të ligjit në “Prestige Resort”, edhe “Top Channel” duket se i ka zbutur lajmet. Nuk është më “Top-i” aq agresiv, me ato lajmet aq të ashpra, diku edhe abuzive, diku edhe me të pavërteta, apo me gjysmë të vërteta. Është marrë gjoja me opozitarizëm, por thjeshtë dhe më të buta se ato më përpara.

Çfarë e ka trembur Lori Hoxhën dhe Vjollca Hoxhën sot?

Shembja e pallatit të Irfanit?

Ka ndonjë zbutje me qeverisë?

Pse u zbut “Top Channel”, Vjollca dhe Lori pas shembjes së

Pasi lufta e “Top Channel” me Ramën nuk është aspak e moralshme, ashtu sikundër është ajo e “News 24”. Janë krejtësisht klienteliste, kanë qenë në shërbim të qeverisë 24 orë në 24, i kanë mbajtur ison Edi Ramës dhe Erion Veliajt dhe ashtu si “News 24” dhe “Top Channel” këtej sulmon Ramën, në krahun tjetër i ngre lapidar kryebashkiakut të Tiranës.

Por mesa duket sot diçka ka ndryshuar, ka filluar të zbutet “Top”-i pas shembjes së “Prestige Resort”-it. Në fakt, nuk është zbutur Irfani, i cili ka vazhduar rrugën e tij, por mirë është që të vazhdojnë fort rrugën opozitare këto televizione sepse më në fund po zbulohet e vërteta e misionit të tyre, e cila aspak nuk është mision mediatik, por është mision i xhepit, interesave të tyre dhe bizneseve të tyre.

Deri ku do të shkojnë dhe sa të besueshëm do të jenë, tashmë shqiptarët e dinë, e kanë zbuluar dhe e kanë kuptuar kush është Irfani, kush është Vjollca dhe të tjerë pronarë të mëdhenj të mediave dhe televizioneve në Shqipëri, të cilët i shërbejnë paguesave e biznesit të tyre e jo misionit mediatik./ CNA.al

Lajmet e fundit nga