LEXO PA REKLAMA!

SHKARKO APP

“Fshesa” pas ndryshimit të pronarëve/ "Abc News" heq edhe drejtorin e informacionit

5 Dhjetor 2022, 16:38, Aktualitet CNA
“Fshesa” pas ndryshimit të pronarëve/ "Abc News"
Andi Tela

Ka filluar “fshesa” dhe “furtuna” në Abc News pas ndryshimit të pronarëve të këtij televizioni.

Vetëm pak më parë gazetari dhe moderatori Endri Xhafo njoftoi se emisioni i tij do të mbyllet për "ristrukturim programor".

Ndërkohë, burime për CNA.al bëjnë me dije se pas mbylljes së emisionit të Xhafos, "Abc News" ka hequr edhe drejtorin e informacionit, Andi Tela.

Kujtojmë se disa ditë më parë CNA.al raportoi se Sokol Balla do të marrë drejtimin e “Abc News”. Balla ka takuar pronarin e ri të këtij televizioni dhe ka mbyllur marrëveshjen për të qenë drejtori i “Abc News”.

Nga ana tjetër, javët e fundit në tregun mediatik është përfolur shumë shitja e "Abc News" tek "Media Holding", ku në QKB rezulton të jetë aksioner i vetëm Esat Bojku.

Ndonëse blerësi i kësaj kompanie mediatike, u përfol që do të ishte Shkëlqim Devolli, emri i biznesmenit nuk shfaqet askund./ B.A. – CNA.al

Lajmet e fundit nga