Censurë mediash për Irfan kapterin/ Nga Aleksandër Frangaj dhe Vjollca Hoxha & CO

11 Gusht 2022, 15:12, Editorial CNA

Censurë mediash për Irfan kapterin/ Nga Aleksandër Frangaj dhe

Një ditë më parë Drejtoria e Tatimeve njoftoi për 1.7 milionë euro detyrime tatimore që Irfan Hysenbelliu ka ndaj shtetit, me kompaninë "Birra Tirana", e cila tashmë është bllokuar.

Sipas tatimeve, kontrolli në këtë subjekt është iniciuar pasi ai kishte detyrime të prapambetura tatimore, që arrinin në vlerën e 1.7 milionë eurove si dhe për të kishte një denoncim të mbërritur në rrugë zyrtare pranë Administratës Tatimore.

Po përtej këtij skandali, ku objekt është Irfan Hysenbelliu, i cili në tentativë për të mos dalë borxhet në dritë, ka sulmuar organet tatimore, qëndron edhe heshtja e disa mediave kombëtare dhe jo vetëm.

Hysenbelliu, gjoja në emër të raportimit në media, prej kohësh sulmon drejtues institucionesh publike.

Irfan Hysenbelliu

I njohur për borxhet në banka e skandale të tjera, Hysenbelliu sulmonte tatimet e doganat, pasi qartazi duhet se bënte evazion fiskal dhe nuk paguante taksat që i deklaronte vetë, por edhe sigurimet e punonjësve.

Doganat, por edhe tatimet i kanë qëndruar përballë shantazhit të Irfan Hysenbelliut që përdor mediat e tij, jo në interes të publikut, por në interes të skandaleve të tij.

Dje është publikuar një tjetër fakt mbi detyrimet e që një nga kompanitë e Irfanit ka në tatime, por ky nuk ishte lajm për mediat kryesore, të cilat heshtin përballë këtij skandali, ku një media sulmon institucionet sepse nuk paguan taksat dhe bën evazion.

Po i rendisim me radhë televizionet kryesore: "Top Channel", "Tv Klan", "Vizion Plus", "ABC News", "A2 CNN", "Euronews Albania", "Syri", por edhe disa të tjera që do t’i listojmë më poshtë, nuk e kanë transmetuar informacionin e bërë publik nga Drejtoria e Tatimeve.

Nuk e kanë transmetuar dhe duket se ka një marrëveshje të heshtur mes tyre.

Vjolla Hoxha e "Top Channel" buçet e çahet për ndeshjet e "TIBO"-s dhe pronat e të dashurit të saj, për skandalin e Irfanit heshti.

Censurë mediash për Irfan kapterin/ Nga Aleksandër Frangaj dhe

Vjollca Hoxha

Kanë heshtur "Tv Klan", "Top Channel" edhe "Euronews", një media e re që pritej që të kishte diçka, me sa duket vajtja e Ben Blushit ka dhënë efektin "KAZAN". Ka heshtur edhe "A2", që është partnere e "CNN".

Syri i opozitës ose është qorruar ose e ka shkulur Ilir Meta për Kapterin e tij.

Ndërkohë, Irfan Hysenbelliu me miliona euro borxh në tatime prej muajsh sulmon drejtuesit e Tatimeve, në mënyrë klienteliste, duke u kthyer në të ashqutuajturin “kazan” siç emërohen mediat që bëjnë veprime të tilla.

Irfani sulmon Tatimet dhe marrëveshja e heshtur funksionon, asnjëra prej këtyre mediave nuk raporton.

Mediat e Irfan Hysenbelliu sulmojnë kreun e Tatimeve

Nga ana tjetër tatimet publikisht thonë se Hysenbelliu ka gënjyer, ka shpifur, po bën shantazh, sepse sulmet janë bërë për shkak të kontrolleve e gjobave që ka pasur.

Por të gjithë heshtin.

Mediat që heshtën përballë skandalit

"Top Channel", "Tv Klan", "Vizion Plus", "ABC News", "A2 CNN", "AlpeNews", "Euronews Albania", "Fax News", "Hapur.al", "Lapsi.al", "Newsbomb.al", "Opinion.al", "Ora News", "Sot", "Syri Tv", dhe "Tpz.al", janë mediat që heshtën dhe nuk thanë asnjë fjalë përballë, skandalit të prodhuar nga Irfan Hysenbelliu.

Vetëm me një biznes, (pa llogaritur bizneset e tjera), Irfan Hysenbelliu ka borxh 1.7 milionë euro dhe për më tepër kthehet dhe i sulmon drejtuesit e Tatimeve.

Ndërkohë Vjollca Hoxha, Aleksandër Frangaj & CO përfundojnë duke u bërë bashkëpunëtorë të një ish-kapteri të diktaturës që nuk paguan taksat, bën evazion dhe del hapur kundër ligjit.

Mirë “kazani", por disa janë kthyer në kusi për të larë këmbët Irfani./CNA.al