LEXO PA REKLAMA!

SHKARKO APP

Birrë pa alkool e pa faturë/ Si ia gjeti zgjidhjen kapter Fania evazionit fiskal

11 Gusht 2022, 14:24, Satire Politike CNA
Birrë pa alkool e pa faturë/ Si ia gjeti zgjidhjen kapter Fania
Foto ilustruese

Fania ka shitur birrë pa faturë, tha një kontroll i Tatimeve. Po kapteri ia gjeti zgjidhjen evazionit fiskal. Sa i thanë se nga kontrolli, rezultoi që shumë mall qe kaluar pa dokumente, ai në fillim bërtiti.

-U kam thënë, duhet vjedhur, po dhe nuk duhet lënë gjurmë.

Për të realizuar këtë, nisi nismën më famoze mbi glob. Nismë kapterësh. E titulloi:

-Birrë pa alkool=birrë pa faturë”

Bëri seminar dymujor me theksin që çdo makinë e kapur me mall të zhvleftësohet si shishe pa alkool, pra shishe mbushur me ujë çezme.

-Po dhe me ujë të jenë duhet faturë,-i thanë.

Po kapter Fania e gjeti vjegën:

-I kemi mbushur me ujë shishet, t’i kemi gati për t’i larë,-do shpjegoni.

Pas kësaj punëtorët pyetën kur do paguhen sigurimet e tyre se që nga 2019 Fania nuk ka derdhur asnjë koqe leku.

-Këtë e kemi të zgjidhur. Nga sot do punoni veç natën. Ditën në fabrikë nuk do ketë njeri. Dhe dritareve do u vendosni batanije që nga larg mos duket asnjë dritë e ndezur. Kështu e zgjidhëm dhe këtë. Nuk paguajmë se s’kemi njeri në punë.

Kaq tha dhe shihte veten te pasqyra e zyrës.

-Je i mençur, byrazer, paçka se tërë jetën ngele kapter./ CNA.al

Lajmet e fundit nga