LEXO PA REKLAMA!

SHKARKO APP

“Kapter” Fania ndryshon emrin/ Robert Redforti, shqiptar xhiro në Bllok

30 Maj 2022, 08:47, Satire Politike CNA

“Kapter” Fania ndryshon emrin/ Robert Redforti, shqiptar xhiro

Kapter Fania ndërron emrin. Ka dy ditë hipur mbi Maseratin luksoz të të birit që i bie borisë në rrugët e Bllokut.

Po pa dy-tri vajza bashkë ndalon dhe u tërheq vëmendjen me borinë. Ato shohin pesë sekonda makinën dhe qeshin. Pastaj hedhin sytë mbi Fanen dhe lëshojnë një vështrim vjellës.

Ikin me nxitim, por nuk i le Kapteri:

-O zoga, ndaloni. Jam Robert Redfort.

Pas kësaj nuk përmbahen ato.

-Se mos xhiron tjetër na del para si Brad Pit.

Po Fania nuk ndalet. Ecën më tutje e sërish gërhet:

-Jam Robert Redfort! Jam Robert Refdford!

Kaq e përsërit sa po i mbushet mendja se është vërtet ai artisti i madh. Ndryshimin e emrit ia mësoi Naim Çili.

-E bëra Henri,-i tha.

-Po pse?

-Që të shpëtosh nga borxhet duhet ndryshuar emrin,-ia shtiu ndër mend.

Kaq u desh e Fania ia tha Rakip Zarit. Ky si gjithnjë ia aprovoi.

-Po ti pse nuk e ndërron?-e provokoi Fania.

-E kam ndryshuar. Më parë quhesha Qazim. E ktheva në Rakip.

Pyeti tërë shokët dhe i sugjeruan me tallje:

-Bëje Robert Redfort, se ngjet me të. Dukeni si binjakë.

Fania e mori seriozisht. Printoi një foto nga interneti dhe me të doli para pasqyrës. Kishte ngjashmëri te leshi i mjekrës.

Te flokët afrohej pak, ndërsa sytë tjetër për tjetër.

-Do vë lente blu,-vendosi dhe i leu flokët me ngjyrë portokalli.

Kaq iu duk vetja si Roberti sa kërkoi të niste dhe një kurs anglishteje. Me ëndërra të tilla bredh Bllokut në fundjavë.

Jam Robert Redfort, bërtet. Ama të hënën i cingëris celulari.

”Kapter Fane, hajde të paguash këstin në bankë. Luaje bythën, nxito!”, i vijnë mesazhet varg, si fiqtë në spango./CNA.al

Lajmet e fundit nga