LEXO PA REKLAMA!

SHKARKO APP

“Ky kushton sa tri kredi”/ Kapter Fania shkon në bankë, lë ‘Rakipin’ si garanci

24 Maj 2022, 16:20, Satire Politike CNA
“Ky kushton sa tri kredi”/ Kapter Fania shkon në bankë,

Pak serioz se donte një kredi që të shlyente ca këste të kredive të tij  30-vjeçare.

-Urdhëroni, ç?kërkoni? -e pyeti goca te banaku.

-Jam Fania, -i tha.

-Jam Blerta, oficere kredie.

Qenka oficere, unë ngela kapter, foli me vete.

-Dua një kredi.

-Përse do e përdorni?

-Po, ja duhet të shlyej ca kredi të vjetra andaj.

-Po si kolateral çfarë do të vendosni?

-Do të vendos televizionin tim.

-Atë e vure te kredia e parvjetshme. -i tha ajo.

-Atëhere po vë hotelin.

-E ke vënë edhe atë.

-Po njerëz pranoni si kolateral?

-Hë? -shqeu ajo sytë.

Fania nuk priti. Mori në cel Rakip Zarin dhe e urdhëroi të vinte urgjent në bankë. Vrapoi i ziu e u paraqit para gocës.

-Do të vë këtë kolateral, -e vendosi.

Nuk e la vajzën të fliste se e bombardoi.

-Ky kushton sa tri kredi. E njeh qeveria, e do qeveria dhe thirret në televizione të mbrojë qeverinë.

Rakip Ziu u ngreh dhe po e shihte me krenari vajzën. Ajo u kujtua se cili ishte ky. Ndaj aprovoi kredinë. Sa fytyra e Fanes qeshi nga sporteli u dëgjua porosia:

-Bëji dhe një sigurim jete kolateralit se nuk i dihet.

-Hahaha, -qeshi kapteri. -Nuk e gjen gjë as këtë as kolegët e tij. Se flasin veç mirë për qeverinë. Bile po dëgjuan në rrugë dikë që shan Ramën këta të mbysin. I kam edukuar, -e mbylli Fanja dhe iku drejt derës. Rakip Ziu po bënte muhabet me gocën.

-Hajde o kolateral se po më presin te zyra gjithë ata borxhlinj.

Lajmet e fundit nga