Bibilushi e kthen vilën në hotel

3 Maj 2022, 12:21, Satire Politike CNA

Ka dy ditë që kanë ardhur nga Tirana hidraulikë, elektricistë, marangozë, tapicierë. Para vilës së tij, një ushtri me specialistë.

–Do të xhirojë ndonjë seri të filmit ?Beni vjedh vetë?-i dhanë karar fshatarët.

Lajmi u hap për filma dhe u sulën nga ana e anës plot aktorë nga e gjithë Shqipëria. Me shpresë se do të kapin ndonjë rol figuranti.

Zbarkuan dhe plot televizione. Donin intervistë me Arben Dardhën, po ai ‘ncuk’. Heshtje totale. Situata u bë më enigmatike kur nga brenda vilës Bibi nxori lajmin se do të fliste Rama për ç?po ndodhte aty. Ja, pas ca ditësh jo më shumë.

Puna ziente e nuk pushonte. U ndërruan dyert, dritaret, erdhën kolltukë e tavolina, karrige dhe llampadarë. Arben Dardha inspektonte punimet e gëzohej. Krejt rastësisht u mësua pse po kryheshin gjithë këto punë. Një gazetare që i rrinte para-prapa Arbenit dëgjoi këtë dialog në celularin e tij.

Arbeni: -Urdhëro.

Rama: -Edi jam, Edi. Si po ecin punët?

Arbeni: -Mirë, sipas planit.

Rama: -Mos u kurse se buxheti paguan.

Arbeni: -Për kursim as bëhet fjalë.

Rama: -Bëje hotel me shtatë yje vilën tënde. Që t’ia kalosh atij që bëri Tërmet Peci tek Uji i Ftohtë në Tepelenë.

Arbeni: -Pa merak. Vetëm për servilizëm ndaj teje ma kalon mua Tërmeti.

Rama: -Hajde se dhe ti ke ca vite që më lëpihesh e s?të ka dalë keq.

Pas nja tri ditësh Rama premtoi se te “facebook”-u i tij do të shfaqë vilën e Bibilushit me shënimin.

?Shiheni, nuk ndodhet në Spanjë, Itali, Zvicër! Gjendet në Dardhë. Investim serioz, një hotel me shtatë yje që bën me turp edhe Dubain. Ja prova që Rilindja Urbane frymëzon. Dikur në këtë fshat hahej veç lakror me dy petë, tani ka një hotel që e ndërtoi Arbeni vetë?.

Pas këtyre frazave do të sulen drejt hotelit mijëra nga administrata me paketa turistike ?LAKROR FREE?./CNA.al

Bibilushi mëson fshatarët si të marrin certifikata online

Bibilushi ‘dashuron’ numrin dy!

Bibilushi ka vendosur të mbjellë drogë

Bibilushi trondit Dardhën

Bibilushi i shkruan letër Ramës

Bibilushi hap zyrë juridike në Dardhë

Bibilushi kërkon të mësojë studentët e gazetarisë si të shpifin

Bibilushi bëhet fotograf

Bibilushi kërkon të bëhet prefekt i Korçës

Bibilushit iu ngrit mendja për President

Bibilushi i Dardhës hyn në fjalorin e Gjuhës Shqipe