LEXO PA REKLAMA!

SHKARKO APP

Bibilushi do xhirojë filmin “Beni vjedh vetë”

18 Prill 2022, 09:59, Satire Politike CNA
Bibilushi do xhirojë filmin “Beni vjedh vetë”

Është seria e dytë e filmit ?Beni ecën vetë?. Tani ai u rrit dhe i ka përvetësuar mësimet e serisë së parë.

U bë trim, nuk i hipën kalit, por Range Roverit. Nuk kishin grurë në lëmin e fshatit, por kishin euro në inceneratorë e banka.

Në pyll tani s?fërshëllen më, se i ka larguar edhe kafshët që andej. E ka krejt pyllin të vetin. E ka privatizuar dhe e ka hipotekuar.

Më pas Ben Dardha do ia verë zjarrin se do i duhet për pistë skishë. Normal do e ndërtojë me lekët e buxhetit, por për 99 vjet do e shfrytëzojë Bibilushi.

Xhirimet nisin së shpejti. Ka plot episode dramatike. Sidomos ato ku Bibilushi u vë gjoba plot bizneseve me lajme të sajuara në televizorin kombëtar.

Kasta e aktorëve ende nuk është plotësuar se Ben Dardha do që ata të mos paguhen. ?Artistët e mëdhenj e kanë mendjen te arti, jo te lekët?, -u thotë ai.

Regjisor do jetë vetë. I kanë sugjeruar që dhe rolin kryesor ta luajë vetë. Ngaqë flitet për rol hajduti e aty Beni është mjeshtër. Do shkruajmë më hollësisht kur filmi ?Beni vjedh vetë? të shfaqet në kinematë e metropolit./CNA.al

Lajmet e fundit nga