LEXO PA REKLAMA!

SHKARKO APP

App Store
Google Play

E fundit!

x

Ftesë për bamirësi/ Një dhëmb për Ilir Metën

9 Shkurt 2022, 12:16, Satire Politike CNA
Ftesë për bamirësi/ Një dhëmb për Ilir Metën

Nga Dr.  Pehlivan Miti Molla

E qeshura epike dhe shumë mbresëlënëse e Ilir Metës, aq sa na jep mundësinë të ?lexojmë? natyrën dhe karakterin e tij delikat dhe me ndjeshmëri aristokratike, na ka ofruar edhe një pamje aspak të denjë për sharmin elitar të presidentit tonë.

Mungesën e një dhëmbi në gojën e tij prej nga ku dalin artikulime engjëllore e me nuanca edhe poetike të spikatura më dukshëm kohëve të fundit, teksa e kemi parë edhe si një recitues diletant, por shumë të sinqertë.

E siç është në natyrën njerëzore, meqë ?gjuha vete ku dhemb dhëmbi?, edhe syri shkon ku mungon dhëmbi.

Dhe mungesa e dhëmbit në gojën e Presidentit nuk mund të jetë vetëm një çështje e tija dentare dhe estetike.

Mungesa e dhëmbit në gojën e Presidentit është edhe çështje e jona. Madje është edhe çështje shtetërore.

Kësisoj, duhet shpallur menjëherë një aksion bamirësie dhe klinikat e shumta stomatologjike të vihen në garë se cila prej tyre të mundësojë menjëherë zëvendësimin e dhëmbit që mungon në gojën e Presidentit.

Kjo për shumë arsye.

E para nuk është mirë që bota të mësojë se presidenti ynë është aq i varfër, sa nuk ka mundësi të paguajë vendosjen e një dhembi në gojë.

E dyta, mungesa e një dhembi në gojën e presidentit, na shfaq ne sy të botës edhe njerëz të pakulturë, sepse kultura e gojës lidhet edhe me standardet e qytetarisë dhe të kulturës së individit. Por meqë individi në fjalë është presidenti ynë që na përfaqëson faqe gjithë botës, bota mund të mendojë se edhe ne të tjerët jemi si ai.

E treta, mungesa e dhëmbit në gojën e presidentit krijon imazhin tek ata që nuk na duan se Shqipëria ka një president pa dhëmbë e kur ai nuk është në gjendje të rregullojë gojën e vet si mund të rregullojë punët e shtetit.

Prandaj, janë të lutura të gjitha klinikat apo kompanitë dentare që të ofrojnë për bamirësi një dhëmb për Ilir Metën./CNA.al

Lajmet e fundit nga