Rreziku anglo-amerikan për Shqipërinë

22 Korrik 2022, 14:31, Editorial Elvi FUNDO

Një libër kujtimesh, i shkruar nga diktatori Enver Hoxha, “Rreziku anglo-amerikan për Shqipërinë” u përdor sot si tallje nga kryeministri Edi Rama dhe njerëz të tjerë nëpër rrjetet sociale, pas deklarimit që bëri vetë ish-kryeministri dhe ish-presidenti i vendit, Sali Berisha, në konferencën e tij për mediat, duke theksuar se “Po, ishte në listën e personave që ishin shpallur 'non-grata' nga britanikët”.

Rreziku anglo-amerikan për Shqipërinë

Por, a është ky rreziku anglo-amerikan për Shqipërinë?

Po, ka një rrezik të vërtetë. Goditja që i bëhet Berishës nga amerikanët dhe britanikët është zgjedhja e tyre. Ata kanë konstatuar, kanë materialet e tyre. Tek amerikanët, Berisha pretendon se ia ka bërë Soros. Te britanikët sërish del Lulzim Basha, persona rreth Berishës e Bashës, bashkëpunëtorë të tij, biznesmenë të lidhur me krimin, e të tjera si këto, që tashmë dihen publikisht.

Në fakt, Sali Berisha nuk ka bërë as më pak e as më shumë sesa të tjerët. Por, “rreziku anglo-amerikan”, në këtë rast vë në pikëpyetje Opozitën dhe rrezikon vërtetë Shqipërinë.

Së pari, jo sepse Sali Berisha është shpallur “non-grata”. SHBA dhe Britania kanë konkludimet e tyre.

Por, sepse tashmë ka një problem në Opozitë. Po goditet sistematikisht çdo një vit dhe lideri kryesor i saj, njeriu që mblodhi njerëzit në 7 korrik dhe tronditi Qeverinë, vazhdon të sulmohet në mënyrë të ashpër nga ndërkombëtarët. Duke goditur Sali Berishën, po goditet Opozita. Sepse fatkeqësisht, Opozita nuk ka një njeri tjetër që të shikohet si bashkues apo lider i saj.

Basha tradhëtoi demokratët, "thikë pas shpine" Berishës

Lulzim Basha, tek i cili u mbështetën amerikanët dhe britanikët, i cili i ka ndihmuar me informacione kundër Berishës. Dhe për të shpëtuar lëkurën e tij shumë gjëra ia ka faturuar Berishës edhe gjatë kohës së drejtimit të Opozitës, nuk është më njeriu i duhur i PD-së. Lulzim Bashën nuk e do më njeri në Partinë Demokratike.

Nuk është një lider, është një sharlatan politik, është një njeri i korruptuar i lidhur me krimin. Ata që ka pasur bashkëpunëtorë Sali Berisha, i ka pasur edhe Lulzim Basha. Ato dosje që ka pasur Sali Berisha, i ka pasur edhe Lulzim Basha.

Rreziku anglo-amerikan për Shqipërinë

Prandaj, theksova edhe më lart, Sali Berisha nuk ka bërë asgjë më shumë sesa të tjerët. Përfshirë këtu edhe Edi Ramën. Në qoftë se duhet të jetë në listën e personave, që kanë bërë po aq sa Saliu, me të mirat apo të këqijat e tyre.

Rreziku i "vrasjes" së Opozitës

Opozita është problemi. Sepse ajo po goditet. Opozita nuk ka lider, sot nuk ka një drejtues. I vetmi është Sali Berisha. Ai i mblodhi njerëzit. Atë ndjekin demokratët nga pas.

Goditjet e njëpasnjëshme që vijnë nga ndërkombëtarët, por edhe nga ndonjë reagim që kanë pasur gjermanët, apo ndonjë goditje që mund të vijë sërish nga vendet e Europës apo Bashkimit Europian, rëndon apo dëmton dhe kthehet vërtetë në një rrezik për Shqipërinë. Sepse vendi rrezikon të mbetet pa opozitë. Dhe kryeministrit Edi Rama mund t’i zgjatet pushteti i tij.

Jo në çdo rast pas lobimeve qëndron Lali Eri, Edi Rama, Soros, e të tjerë si këta. Ku, diku mund të kenë gisht. Por, në një sulm frontal dhe në një qëndrim të tillë, këtu mund të jenë përzier të gjithë, përfshirë edhe Lulzim Bashën.

Por, ama pasojat nuk i vuan Sali Berisha.

Sali Berisha është një 77-vjeçar që nesër mund largohet nga kjo jetë.

Dhe në rast se largohet Berisha, në krye të PD-së, ngelet Flamur Noka, me statut.

Pra, kjo është gjendja që ka katandisur Opozita sot. Berisha mund të ketë një mijë e një akuza, por është dikush që mbledh Opozitën, del në protestë, kishte njerëz në 7 korrik.

Rreziku anglo-amerikan për Shqipërinë

PD-ja në dorë të Flamur Nokës. PD-ja nuk ka më lider. PD-në nuk ka më kush ta udhëheqë. Dhe pa këtë, Shqipëria po ngelet pa Opozitë.

A mund të jetë Ilir Meta, Opozitë? E pabesueshme që ai të marrë rolin e liderit të Opozitës. Pasi është po aq zullumqar, nëse do ta quajmë, dhe më tepër se çdo njeri tjetër i shpallur "non-grata" në Shqipëri.

Rreziku anglo-amerikan për Shqipërinë

Goditjet e ndërkombëtarëve, rrezik për Shqipërinë

Prandaj, vërtetë goditjet e njëpasnjëshme që po i jepen Sali Berishës janë një rrezik për Shqipërinë. Një rrezik jo anglo-amerikan. Por, një rrezik që Shqipëria të ngelet pa Opozitë, pasi anglo-amerikanët i kanë goditur liderin.

Opozita nuk ka një lider tjetër për t’u përplasur me Qeverinë e kjo do të çojë në një qeverisje më të ashpër, më arrogante, më të korruptuar, më autokrate, që vërtetë është një rrezik për Shqipërinë, pasi po e çon vendin drejt një ndarje të Opozitës. Po e çon vendin drejt një Opozite që nuk e duan më ndërkombëtarët zyrtarisht, e duan shumica e shqiptarëve opozitarë. Por, kjo është e pamjaftueshme. Tashmë ekuacioni vazhdon të ketë të panjohura, por ato bëhen gjithmonë e më të pakëta.

Goditja e njëpasnjëshme nga anglo-amerikanët rrezikon të lërë Shqipërinë pa Opozitë. T’i zgjasë pushtetin Edi Ramës. Të sjellë më shumë autokraci, korrupsion dhe destabilitet, pavarësisht se Shqipëria tenton të hedhë hapa të vegjël drejt Europës.

Hapa të cilat më shumë sesa ligjorë dhe të sigurtë, janë hapa që vijnë nga koha dhe nga detyrimi për të vënë me “shpatulla pas muri”, ndërkombëtarët për burokracitë e tyre. Sa për standardet e Shqipërisë për në BE, me raportet që ka Shqipëria për krimin, për drogën, përfshirë dhe "non-grata"-t dhe rrezikun anglo-amerikan, nuk do të ishte as në derën e ndonjë ahuri, e jo më në dyert e BE-së./CNA.al