LEXO PA REKLAMA!

SHKARKO APP

“Guri i provës” për SPAK-un/ Dosja e artë që duhet të hetojnë prokurorët

3 Korrik 2022, 11:51, Editorial CNA
“Guri i provës” për SPAK-un/ Dosja e artë që
Foto ilustruese

Reforma në Drejtësi, institucionet e reja të dala prej saj janë parë si shpresë për shqiptarët, për goditjen e krimit të organizuar, por dhe korrupsionit në nivelet e larta.

Një ndër institucionet e reja të drejtësisë, Prokuroria e Posaçme Kundër Krimit të Organizuar, e njohur ndryshe si SPAK, është trumbetuar fort në media, por edhe ka marrë një mbështetje të fortë nga partnerët ndërkombëtarë, veçanërisht Shtetet e Bashkuara të Amerikës.

Por, tashmë prokurorët e SPAK-ut duhet të tregojnë nëse janë në lartësinë e pretenduar.

Një ndër dosjet voluminoze, e cila do të duhej të hetohej nga prokurorët e SPAK-ut, është ajo “Meta-Kryemadhi”.

“Guri i provës” për SPAK-un/ Dosja e artë që

Presidenti Ilir Meta dhe bashkëshortja e tij Monika Kryemadhi, do të shënonin një kthesë në drejtësi, nëse kjo e fundit do të merrej me ta. Nëse drejtësia do të hetonte bëmat e tyre që “ulërasin” përgjatë këtyre 30 viteve demokraci.

Mbarë opinioni publik pret që drejtësia të hedhë dritë mbi pasurinë e tyre, mënyrën si e kanë krijuar.

Dy individë, politikanë që nuk kanë bërë asgjë tjetër në jetën e tyre, por thjeshtë janë paguar nga taksat e shqiptarëve, si deputetë, ministër, kryeministër, kryetar Kuvendi, e deri president.

E me taksat e tyre shqiptarët kanë paguar zhdukjen e thesarit të shtetit në Krrabë dhe më pas panë vetëm disa filma me fshatarë që atje ku lidhnin gomerët kishin fshehur edhe florinjtë.

“Guri i provës” për SPAK-un/ Dosja e artë që

Panë një Kryeministër të dhunshëm dhe të korruptuar. Panë një zëvendëskryeministër të kapur me bllok në dorë duke folur për 7%. Panë se si për ta në 21 janar përgjakej bulevardi “Dëshmorët e Kombit”.

“Guri i provës” për SPAK-un/ Dosja e artë që

Panë ministrat e tyre hajdutë. Kanë parë bandën e LSI-së nga jugu në veri të vjedhë e rrëmbejë çfarë i del para.

I kanë parë vila luksoze, i kanë parë se si i shkollojnë jashtë fëmijët me qindra mijëra euro kur rrogat e tyre nuk e japin aspak këtë mundësi.

Prokurorët e SPAK-ut, nuk mund të harrojnë vilën e Gjirit të Lalzit me 13 tualete, ku kishte një edhe për macen.

Pamjet e vilës dhe zonës përreth saj, të cilat bënë bujë në një emision televiziv u zhdukën nga qarkullimi dhe sot nuk gjenden përveçse tek-tuk ndonjë foto, që ka shpëtuar rastësisht.

“Guri i provës” për SPAK-un/ Dosja e artë që

Nëse s’do të kishte asgjë për të fshehur, pse u zhduk videoja e vilës së Gjirit të Lalzit?

Nëse kemi parasysh këtu të gjithë bëmat e çiftit në fjalë, për të gjitha akuzat publike që janë lëshur me emrin e tyre, si me rastin e floririt të Krrabës, me rastin e bllokut të zi e të tjera, dosja për në SPAK do të ishte voluminoze.

Janë dy njerëz, që s’kanë ndonjë meritë tjetër në jetën e tyre, veçse janë marrë me politikë, që s’kanë bërë asgjë tjetër, ndërkohë që jetojnë në luks si "sheikë".

CNA.al ka zbardhur më parë pasurinë e çiftit Meta-Kryemadhi, të cilët sipas atyre që kanë deklaruar vetë në ILDKPKI, rezultojnë me një pasuri me vlerë prej miliona eurosh.

Meta dhe bashkëshortja e tij Monika Kryemadhi, ndonëse nuk kanë asnjë biznes, gjithnjë sipas asaj që kanë deklaruar, rezultojnë milionerë. 

Për të mos folur për garderobën e Monika Kryemadhit, e cila kap shifra që shqiptarët e thjeshtë rrezik nuk i shohin as në ëndërr. 

Ajo që bie në sy në daljet e saj publike, është pikërisht edhe veshja e kryetares së LSI-së. 

Një hetim i mirëfilltë nga SPAK-u do të sqaronte një herë mirë faktin se si është vënë pasuria e çiftit Meta-Kryemadhi, por edhe akuzat e tjera që lidhen me ta.

Ka ardhur koha që SPAK-u, jo vetëm t’iu kërcasë dhëmbët, por t’iu vendosë prangat dhe t’i çojë aty ku duhet të shlyejnë çdo qindarkë të vjedhur.

E SPAK-u ka dosjen e artë në dorë. Dosja Meta-Kryemadhi, e cila në finale mund të jetë dosje e suksesit të Reformës në Drejtësi, aq të kërkuar nga ndërkombëtarët./CNA.al

Lajmet e fundit nga